ފަލަސްތީނަށް އެހީވާން "ފަލަސްތީނާ އެކީ ދިވެހީން" ގެ ނަމުގައި އިއްޔެ ދައުލަތުގެ މީޑިއާ، ޕީއެސްއެމުން ފެށި ޓެލެތޯނަށް ފައިސާ ހަދިދާ ކުރުމުގެ ވަގުތު އިތުރުކޮށްފި އެވެ.
އެގޮތުން މިއަދު ހަވީރު 6:00 އާ ހަމައަށް އެއަށް ފައިސާ ހަދިޔާ ކުރުމުގެ ފުރުސަތު އޮންނާނެ އެވެ. މި ޓެލެތޯނަށް ހާއްސަ ދެ އެކައުންޓް އެކައުންޓް ނަމްބަރަށް ފައިސާ ވެސް ޓްރާންސްފާ ކުރެވޭނެ އެވެ. އެގޮތުން ރުފިޔާ އާއި ޑޮލަރުން ވެސް ފައިސާ ހަދިޔާކުރެވޭނެ އެވެ. ރުފިޔާ އިން ޖަމާކުރާނީ 7730000655865 އެކައުންޓަށެވެ. އަދި ޑޮލަރުން ނަމަ މި 7730000655866 އެކައުންޓަށެވެ.
ސަރުކާރުގެ އިސް ނެގުމަކަށް "ދިވެހިންނާ އެކީ" ޓެލެތޯން ފެށީ އިއްޔެ ހެނދުނު 8:00 އެވެ. އަދި ޓެލެތޯން ކުރިއަށް ގެންދަން އޮތީ ރޭގަނޑު 12:00 އާ ހަމައަށެވެ. އެގޮތުން އެ ވަގުތާ ހަމައަށް ޖުމްލަ 13.6 މިލިއަން ރުފިޔާ ލިބިފައިވެ އެވެެ. މީގެ ތެރޭގައި ހިމެނެނީ 13،133،927ރ. އާއި 33،693.42 ޑޮލަރެވެ.
ޓެލެތޯނަށް ވަރަށް ގިނަ ފަރާތްތަކުން ފައިސާ ހަދިޔާކޮށްފައިވެ އެވެ. އޭގެ ތެރޭގައި ސަރުކާރުގެ ކުންފުނިތަކާއި އޮފީސްތަކާއި އެކިއެކު މުއައްސަސާތަކާއި އަމިއްލަ ފަރާތްތަކުން އަމިއްލަ ފަރުދުން ވެސް ހިމެނެ އެވެ.
މި ޓެލެތޯނުން ލިބޭ ހުރިހާ ފައިސާއެއް ފަލަސްޠީނަށް ހަދިޔާ ކުރަން ނިންމާފައި ވަނީ ފޮރިން މިނިސްޓްރީ މެދުވެރިކޮށް ޔޫއެންގެ ރިލީފް އެންޑް ވޯކްސް އެޖެންސީ ފޯ ޕަލަސްޓައިން ރެފިއުޖީސް "އަންރުވާ" މެދުވެރިކޮށެވެ.