ހުޅުމާލޭގެ ފޭސް ދޭއްގެ ހިޔާ ޓަވަރުގެ އެޕާޓްމަންޓްތަކަށް މީހުން ގެންގޮސް ބްލެކްމެއިލްކޮށް ފޭރޭ ގްރޫޕްގައި ހަތް މީހަކު ހިމެނޭ ކަމަށާއި އޭގެ ތެރެއިން މިހާރު ދެ މީހަކު މިހާރު ދޫކޮށްލާފައިވާ ކަމަށް ފުލުހުން ބުނެފި އެވެ.
ހިޔާ ފްލެޓް އެޗް ފަހެއްގެ ތިނެއްގެ 18 ނަންބަރު އެޕާޓްމަންޓުގައި މީހުން ގެންގޮސް ބްލެކް މެއިލްކޮށް ފޭރުމުން ދިޔަ މައްސަލަ ފެންމަތިވީ މިދިޔަމަހުގެ ތެރޭގަ އެވެ.
އެ މައްސަލާގައި ހައްޔަރުކުރި 7 މީހުންނަކީ:
* އައިމިނަތު ހުމައިނާ ޒަކަރިއްޔާ، މ. ގޯނބިލިގަސްދޮށުގެ/ކ. މާލެ، އުމުރު 24 އަހަރު
* އާޔަތު އައްބާސް، ދަފްތަރު ނަންބަރު ދރ. 1835، އުމުރު 30 އަހަރު
* މުހައްމަދު އާދަމް، ޕެލަސް ހައުސް/ގއ. ދާންދޫ، އުމުރު 43 އަހަރު
* ސަމާހު އަލީ، ގ. ކަނދަމާގެއާގެ/މާލެ، އުމުރު 31 އަހަރު
* މުހައްމަދު މުނީރު، ސަންފްލާވާ/ދ. ކުޑަހުވަދޫ، އުމުރު 35 އަހަރު
* އަހުމަދު މާޖިދު، ހިފާޒް /ނ. ވެލިދޫ، އުމުރު 33 އަހަރު
* އަހުމަދު މަދީހު، މ. ސީނަރީވިއު/މާލެ، އުމުރު 34 އަހަރު
ފުލުހުން ބުނީ މި މީހުންގެ ތެރެއިން ދޫކޮށްލީ ހުމައިނާ އާއި މަދީހު ކަމަށެވެ. ފުލުހުން މިއަދު ބުނީ މަދީހު 15 ދުވަހަށް ބަންދު ކުރުމަށް ފަހު ދޫކޮށްލާފައިވާ ކަމަށެވެ. އަދި ހުމައިނާ ދޫކޮށްލީ އޭނަ އަކީ މާބަނޑު އަންހެނަކަށްވާތީ ސިއްހީ ހާލަތަށް ރިޔާއަތްކޮށް ކޯޓަށް ނުގެންގޮސް ކަމަށެވެ.