އަދަބީ ތިން މުބާރާތެއްގައި ބައިވެރިވާން ހުޅުވާލައިފި އެވެ.
ދިވެހި ބަހުގެ އެކެޑަމީން އިއުލާނުކޮށްފައިވާ މުބާރާތްތަކަކީ، ޅެން ހެދުމުގެ 27 ވަނަ ޤައުމީ މުބާރާތާއި ކުރުވާހަކަ ލިޔުމުގެ 36 ވަނަ ޤައުމީ މުބާރާތާއި, މަޒުމޫނު ލިޔުމުގެ 39 ވަނަ ޤައުމީ މުބާރާތެވެ.
މި މުބާރާތްތަކުގައި ބައިވެރިވުމުގެ ފުރުސަތު ހުޅުވާލާފައި ވަނީ ސްކޫލްތަކުގެ ދަރިވަރުންނަށާއި އަމިއްލަ ފަރާތްތަކަށެވެ.
ދަރިވަރުންނަށް ހުޅުވާލާފައިވާ ފުރުސަތުގައި ބައިވެރިވެވޭ އުމުރުފުރާތަކަކީ ދަށު ސާނަވީ އާއި ސާނަވީ އަދި މަތީ ސާނަވީ އުރުމުފުރާއެވެ. ދަށު ސާނަވީގައި ހިމެނެނީ ކީ ސްޓޭޖް 7 އަދި 8 ގެ ދަރިވަރުންނެވެ. ސާނަވީ އުމުރުފުރާގެ ގިންތިން ބައިވެރިވުމުގެ ފުރުސަތު ހުޅުވާލެވިފައި ވަނީ ކީ ސްޓޭޖް 9 އަދި 10ގެ ދަރިވަރުންނަށެވެ. އަދި މަތީ ސަނަވީ ގިންތި އަކީ ކީ ސްޓޭޖް 11 އަދި 12 ގައި ކިޔަވަމުންދާ ދަރިވަރުންގެ އުމުރުފުރާއެވެ.
އަމިއްލަ ގޮތުން ބައިވެރިވާ މީހުންނަށް 18 އަހަރުން ދަށާއި 18 އަހަރު މަތީގެ އުމުރުފުރާ އިން ވެސް ބައިވެރިވެވޭނެ އެވެ.
ތިން މުބާރާތުގައި ބައިވެރިވުމުގެ އެންމެ ފަހު ސުންގަޑި އަކީ އަންނަ މަހުގެ 9 ވަނަ ދުވަހުގެ މެންދުރު ފަހު 1:00 އެވެ. މުބާރާތުގައި ބައިވެރިވުމަށް އެދޭ ފޯމާއި އެއްކަރުދާސް ކުރަން ޖެހޭ ތަފުސީލުތައް ގެޒެޓްގައްޔާއި ދިވެހިބަހުގެ އެކެޑަމީގެ ވެބްސައިޓް dhivehiacademy.edu.mv ގައި ލިބެން ހުންނާނެ އެވެ.
މުބާރާތްތައް ކުރިއަށް ގެންދިއުމަށް ރާވާފައި ވަނީ އަންނަ އޮގަސްޓް މަހުގެ 2 އާއި 3 ގަ އެވެ.