"ކުރަނގި" އޮޕަރޭޝަން މިދިޔަ ބުރާސްފަތި ދުވަހު ކ. މާފުށީގއި ފަހުން މިހާތަނަށް 805 ބިދޭސީންގެ ބަޔޮމެޓްރިކް ޑާޓާ އެއްކޮށްފައިވާ ކަމަށް ހޯމް މިނިސްޓްރީން ބުނެފި އެވެ.
މި އޮޕަރޭޝަން އެންމެ ފުރަތަމަ ހިންގީ ކ. ހިންމަފުށީގަ އެވެ.
މިނިސްޓްރީން ބުނެފައި ވަނީ ރާއްޖޭގެ ފަސް ސަރަހައްދެއްގައި ވަރަށް އަވަހަށް ބިދޭސީންގެ ބަޔޮމެޓްރިކް ޑާޓާ އެއްކުރުމުގެ މަސައްކަތް ފަށާނެ ކަމަށެވެ.
#OperationKurangi pic.twitter.com/IJGWXznL0n
— Ministry of Homeland Security & Technology, MV (@HomeMinistrymv) June 14, 2024
ހޯމް މިނިސްޓަރު އަލީ އިހުސާން ވިދާޅުވެފައިވާ ގޮތުގައި ގަވާއިދާ ޚިލާފަށް ރާއްޖޭގައި އުޅޭ ބިދޭސީން ދެނެގަނެ، އެ މީހުން ގަވާއިދަށް ފެއްތުމުގެ މަސައްކަތް ތިން އަހަރުގެ ތެރޭގައި އެއްކޮށް ނިންމައިލެވޭނެ ކަމަށެވެ. އެގޮތުން ޑޭޓާ ނަގަން ކުރިއަށް ގެއންދާ މަސައްކަތް އަހަރުގެ ތެރޭގައި ނިންމަން އޮތީ އަމާޒު ހިފައިފަ އެވެ.
ހިންމަފުށީގައި ފެށީ މި އޮޕަރޭޝަނުގެ ފުރަތަމަ ބައި ކަމަށާއި މި މަސައްކަތް އެއް އަހަރުގެ ތެރޭގައި ނިންމާނެ ކަމަށް ވެސް މިނިސްޓަރު ވަނީ ވިދާޅުވެފައެވެ.