އީދާ ދިމާކޮށް މޯލްޑިވިއަނުން ފެއާއެއް

އަޟްހާ އީދު ބަންދުގައި މާލެ އަންނަ މީހުންނަށް ހާއްސަކޮށް ހާއްސަކޮށްގެން މޯލްޑިވިއަނުން ޕްރޮމޯޝަނަލް ފެއާއެއް ފަށައިފި އެވެ.

އެ އެއާލައިނުން ބުނީ ހާއްސަ ރޭޓުތަކުގައި މޯލްޑިވިއަން ދަތުރުކުރާ ގިނަ މަންޒިލްތަކަކަށް ޓިކެޓު ލިބޭނެ ކަމަށެވެ. ހާއްސަ އަގުތައް ކަނޑައެޅީ އާންމުންނަށް ވީހާ ވެސް ފަސޭހަކަމާ އެކު، ހެޔޮ އަގެއްގައި ދަތުރު ކުރެވޭނެ ގޮތް ހެދުމަށް މޯލްޑިވިއަނުން ބުންޏެވެ.

ގައުމީ އެއާލައިނުން ބުނީ މިދިޔަ ބުރާސްފަތި ދުވަހުން ފެށިގެން މާދަމާގެ ނިޔަލަށް މާލެ އަށް އަންނަ މީހުންނާއި މި މަހުގެ 17- -24 ގެ ނިޔަލަށް މާލެއިން ރިޓާން ދަތުރު ކުރާ މީހުންނަށް ހާއްސަ ފެއާ ރޭޓުގައި ޓިކެޓު ލިބޭނެ ކަމަށެވެ.

ފެއާ ރޭޓުތަކުގެ އަގު އުޅެނީ 749ރ. އިން ފެށިގެން 1،133ރ. އާ ދެމެދުގަ އެވެ.

އެގޮތުން ބ. ދަރަވަންދު އިން މާލެއަށް 749ރ. އަށް ދަތުރުކޮށްލެވޭނެ އެވެ. އަދި ގދ. ކާޑެއްދޫ އިން މާލެ އަށް 1،333ރ. އަށް ދަތުރު ކުރެވޭނެ އެވެ. މޯލްޑިވިއަނުން ދަތުރު ކުރާ އެހެން މަންޒިލްތަކަށް ބަލާއިރު، ފުވައްމުލަކުން މާލެ އަށް 1،155ރ. ދަތުރުކޮށްލެވޭ އިރު، ގަމުން މާލެ އަށް 1،222ރ. އަދި ގދ. ފަރެސްމާތޮޑާ އިން މާލެ އަށް 1،133ރ. އަށް ދަތުރު ކުރެވޭނެ އެވެ.

މީގެ އިތުރުން ގއ. ކޫއްޑޫ އިން މާލެ މާލެ އަށް 1111ރ. އަށް ދަތުރު ކުރެވޭ އިރު، ނ. މާފަރުން މާލެ އަށް 999ރ.، ނ. މަޑިވަރުން މާލެ އަށް 949ރ އަށް، ލ. ކައްދޫން އިން މާލެ އަށް 1055ރ. އަށް، ހދ. ހަނިމާދޫން މާލެ އަށް 1،111ރ. އަށް، ތ. ތިމަރަފުށިން މާލެ އަށް 1،111ރ .ށ. ފުނަދޫން މާލެ އަށް 1،055ރ އަށް، ގދ. މާވަރުލުން މާލެ 1،133ރ. އަދި ރ؛ އިފުރުން މާލެ އަށް 999ރ. ދަތުރު ކުރެވޭނެ އެވެ.

މިއީ ލިމިޓެޑް ފެއާއަކަށްވާތީ ވީހާ ވެސް އަވަހަށް ޓިކެޓް ބުކްކުރުމަށް މޯލްޑިވިއަނުން އެދިފައިވެ އެވެ.