ބައިސްކަލް ފަދަ އެއްޗެހި ދުއްވާ އިރު، ހެލްމެޓްގެ މުހިއްމުކަން މިހާރު ވަރަށް ބޮޑަށް ގަބޫލު ކުރެވިއްޖެ ކަމަށް އިނގިރޭސިވިލާތުގެ މަޝްހޫރު ޝެފް، ގޯޑޮން ރަމްސީ ބުނެފި އެވެ.
އިންސްޓަގްރާމްގައި އޭނަ ބުނީ އެމެރިކާގެ ކަނެކްޓިކަޓްގައި ބައިސްކަލް ދުއްވަނިކޮށް ވަރުގަދަ އެކްސިޑެންޓަކާ ކުރިމަތިވެފައިވާ ކަމަށާއި އެ ހާދިސާ އިން ފުރާނަ ސަމާމަތްވީ ހެލްމެޓް އަޅައިގެން އިނުމުގެ ސަބަބުން ކަމަށެވެ.
"އެހެންވެ އެންމެން ގާތު ބެސް ބުނެލަން ބޭނުން ވަނީ ދުއްވާ އިރު ހެލްމެޓް އަޅާށޭ." ގޯޑޮން، 58، ބުންޏެވެ.
"މާސްޓަ ޝެފް" އާއި "ހެލްސް ކިޗެން" ފަދަ މަގުބޫލު ކައްކާ ޝޯތަކުގެ ޖަޖްކަންފައިވާ ހަ ކުދިންގެ ބައްޕަ ގޯޑޮން ބުނީ އެކްސިޑެންޓްގައި އޭނަގެ އެއްވެސް ތަނެއް ބިންދައިގެން ނުދިޔަ ނަމަވެސް ގައިގެ އެކި ތަންތަން މަށައިގެން ގޮސް ބޮޑެތި ޒަހަމްތަކެއް ލިބުނު ކަމަށެވެ.