މިއަދު ވެސް މާރާމާރީތަކެއް ހިންގައިފި

މާލޭގައި ރޭ ހިންގި މާރާމާރީއަކާ ގުޅިގެން ބަޔަކު ހައްޔަރުކޮށްފައި ވަނިކޮށް މިއަދު ވެސް މާރާމާރީތަކެއް ހިންގައިފި އެވެ.

ފުލުހުން ބުނީ ފަތިހު 4:00 ހާއިރު ހުޅުމާލޭ ފިލިގަސް މަގުގައި މާރާމާރީއެއް ހިންގިކަމުގެ ރިޕޯޓުލިބިގެން އެތަނަށް ފުލުހުން ދިއުމުން މާރާމާރީ ހިންގި މީހާ، އެ ހިސާބުގައި އޮތް ކާރަކަށް އަރައިގެން ފިލަން މަސައްކަތްކޮށްްފައިވާ ކަމަށެވެ. އަދި ފުލުހުން އެ ކާރު ހުއްޓުވަން މަސައްކަތްކުރުމުން ފުލުހެއްގެ ގައިގައި ޖައްސާފައި ކާރު ފިލާފައިވާ ކަމަށް ފުލުހުން ބުންޏެވެ.

އަދި އެ ހާދިސާގައި ޝާމިލުވާ އެކަކު ހޯދައި ވަނީ ހައްޔަރުކޮށްފަ އެވެ. އަދި އަނެއް މީހާ ހޯދުމުގެ މަސައްކަތް އަންނަނީ ކުރަމުންނެވެ.

އެ މާރާމާރީގައި އަނިޔާވި މީހާ އާއި ފުލުސް މީހާއަށް ހުޅުމާލޭ ހޮސްޕިޓަލުގައި ފަރުވާ ދީފައިވެ އެވެ.

މީގެ އިތުރުން މިއަދު ފަހު މިއަދު މެންދުރު 12:45 ހާއިރު މާލޭގެ ޝަހީދު އަލީ މިސްކިތް ސަރަހައްދުގައި ހިންގި މާރާމާރީއެއް ދެ މީހަކު ޒަހަމްވެގެން އައިޖީއެމްއެޗުގައި އަންނަނީ ފަރުވާ ދެމުންނެވެ.

ރޭ މާލޭގެ ދަރުބާރުގެ ކައިރީގައި މާރާމާރީ ހިންގ މައްސަލައިގައި ހަތަރު މީހަކު ހައްޔަރުކޮށްފައިވެ އެވެ.