ބޮޑު އީދާ ގުޅުވައި މިރޭ ހުޅުމާލޭގައި ހަވާ އަރުވަން ނިންމައިފި އެވެ.
އެމްއެންޑީއެފުން މި އިވެންޓް އޮންނާނީ ސެންޓްރަލް ޕާކްގައި މިރޭ 9:00 ގައި ކަމަށެވެ. އަދި ހަވާ އެރުވުން ފަސް މިނިޓަށް ކުރިއަށް ދާނެ ކަމަށް ވެސް ބުންޏެވެ.
އެކިއެކި ކަންކަމާ ގުޅިގެން ހަވާ އެރުވުން ރާއްޖޭގައި މިހާރު ވަރަށް އާންމު ކަމަކަށްވެފައިވާ އިރު، މިއީ އާންމުންގެ ފަރާތުން ވަރަށް ބޮޑު ތަރުހީބެއް ލިބޭ ކަމެކެވެ. އެގޮތުން ހަވާ އަރުވާ ތަން ބަލަން ގިނަ ބަޔަކު އަބަދު ވެސް ޖަމާވާކަން ފާހަގަކުރެ އެވެ.
އީދާ ގުޅިގެން ރާއްޖޭގެ އެކިއެކި ހިސާބުތަކުގައި މިހާރު ކުރިއަށް ގެންދާ ހަރަކާތްތަކުގެ ތެރެއިން މިރޭ ބައެއް ރަށްރަށުގައި ކުރިއަށް ގެންދާ އިވެންޓްތަކުގެ ތެރޭގައި ވެސް ހަވާ އަރުވަން ހަމަޖެހިފައިވެ އެވެ.