ޔޫޫރޯ ފުޓްބޯޅަ މުބާރާތް ޖަރުމަނުގައި މިހާރު ކުރިއަށްދާ އިރު، އެ ގައުމުގެ ހެމްބާގްގައި ކޯރާޑީއެެއް ގެންގުޅުނު މީހަކު ފުލުހުންނަށް ވެސް އިންޒާރުތަކެއް ދިން މައްސަލަކާ ގުޅިގެން ސެކިއުރިޓީ ވަރުގަދަކޮށްފި އެވެ.
ފުލުހުންނަށް އެ މީހާ ދިން އިންޒާރާ ގުޅިގެން ރައްދުގައި ދިން ބަޑީގެ ހަމަލާއެއްގައި އަތުލައި ގަނެ، މިހާރު އަންނަނީ ލިބުނު ސީރިއަސް ޒަހަމްތަަށް ފަރުވާ ވެސް ދެމުންނެވެ. ފުލުހުން ބުނި ގޮތުގައި އެ މީހާ ކޯރާޑީ ހިފައިގެން ހަރަކާތްތެރިވަމުން ދިޔައީ ނެދަލޭންޑްގެ ޓީމު ސަޕޯޓަރުންނާ ބައްދަލު ކުރަން ހަމަޖެހިފައި އޮތް ފޭންޒޯނެއްގައި ކަމަށެވެ.
މިއަދު ނެދަލެންޑްސް އާއި ޕޮލެންޑް ބައްދަލުކުރާ ގޮތަށް ހަމަޖެހިފައިވެ އެވެ.
އެ މެޗް ފެށުމުގެ ތައްޔާރީތައް ކުރިއަށް ދަނިކޮށް ހެމްބާގްގައި ތޫނު ހަތިޔާރެއް ގެންގުޅެ، އަމާންކަން ނަގައިލަން އުޅުނު މައްސަލަ މިހާރު އަންނަނީ އިތުރަށް ތަހުގީގު ކުރަމުންނެވެ. ހެންބާގް ފުލުހުންގެ ތަރުޖަމާނު މީޑިއާތަކަށް ވިދާޅުވީ އެ މީހާ ދިޔައީ ޕެޓްރޯލް ބޮމެއް ވެސް ގޮއްވަން ރާވަމުން ކަމަށެވެ.
ނަމަވެސް އެ މީހާއާ ބެހޭ އިތުރު އެެއްވެސް މައުލޫމާތެއް ފުލުހުން ހާމައެއް ނުކުރެ އެވެ.
ޔޫރޯ މުބާރާތް ޖަރުމަނުގައި ފެށީ މި މަހުގެ 14 ގަ އެވެ. އަންނަ މަހުގެ 14 އާ ހަމައަށް މުބާރާތް ކުރިއަށް ގެންދާ އިރު، ޖަރުމަންގެ 10 ސިޓީއެއްގައި މެޗްތައް ކުޅޭނެ އެވެ. މުބާރާތުގައި ޔޫރަޕްގެ 24 ގައުމަކުން ވާދަކުރެ އެވެ.