ޑެންގޫ ހުން ޖެހިގެން ހަތް ކުއްޖަކު ހޮސްޕިޓަލްގައި އެޑްމިޓްކޮށް ފަރުވާ ދެމުން އަންނަ ކަމަށާއި އޭގެ ތެރެއިން އެއް ކުއްޖަކު އޮތީ އައިސީޔޫގައި ކަމަަށް އައިޖީއެމްއެޗްގެ ކުޑަކުދިންގެ ޑރ. އަހުމަދު ފައިސަލް ވިދާޅުވެއްޖެ އެވެ.
ދައުލަތުގެ މީޑިއާގައި އޭނަ ވިދާޅުވީ އާންމުކޮށް ކުޑަކުދިން ޑޮކްޓަރަށް ދައްކަނީ ހުން އައިސް، ކެއްސާތީ އަދި ރޯގާ ޖެހިގެން ކަމަށެވެ. ނަމަވެސް މިހާރު ޑެންގޫ ޖެހިގެން 7 ކުއްޖަކު އެޑްމިޓްކޮށް ފަރުވާ ދެމުން އަންނާތީ މިއީ މި ދުވަސްކޮޅު ވަކިން ބޮޑަށް ބައްޔާ މެދު ފަރުވާތެރި ވާން ޖެހޭ ކަމެއް ކަމަށް ޑޮކްޓަރު ވިދާޅުވި އެވެ.
"ޑެންގީހުން ވަރަށް ގިނަ. ބާއްވައިގެން މިހާ އަދަދެއްގެ ކުދިންނަށް ފަރުވާ ދެމުންދާ އިރު، ބަލި ކުޑަކޮށް ހުއްޓަސް ނާންނަ ކުދިންގެ އަދަދު ވެސް އިތުރުވާނެ. ހުމާއި ރޯގާ މިދުވަސްކޮޅު އިތުރު." ޑރ. ފައިސަލް ވިދާޅުވި އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފައިވާ ގޮތުގައި މަދިރީގެ ޒަރިއްޔާއިން ޖެހޭ ޑެން ޖެހިގެން 610 މީހަކު މިދިޔަ މަހު އެކަނި ވެސް ރިޕޯޓްކުރި އެވެ.
މިދިޔަ މަހުގެ ތެރޭގައި ވެސް ޑެންގީ ޖެހުނު ހަ ކުއްޖަކު އެޑްމިޓްކޮށްގެން ފަރުވާ ދީފައިވެ އެވެ.