ޑިޖިޓަލް އައިލޭންޑް ލަބަގު އުރީދޫ މޯލްޑިވްސް އިން ދިން ފުރަތަމަ ރަށް ކަމަށްވާ ނ. ލަންދު އަށް އެ ކުންފުނިން ހަނދާނީފިލައެއް އަރުވައިފި އެވެ.
އެ ރަށުގައި އިއްޔެ ބޭއްވި އިވެންޓެއްގައި އުރީދޫގެ ފަރާތުން ހަވާލުކޮށް ދެއްވީ އެ ކުންފުނީގެ ޗީފް ކޮމާޝަލް އޮފިސަރު ހުސައިން ނިޔާޒެވެ، ކައުންސިލްގެ ފަރާތުން ހަނދާނީފިލައާ ހަވާލުވެވަޑައިގެންނެވީ ކައުންސިލްގެ ރައީސް އަބްދުލް އަޒީޒެވެ.
އެ ހަފުލާފައި ނިޔާޒު ވަނީ ލަންދޫގެ ރަސްމީ ވެބްސައިޓް ވެސް އިފުތިތާހުކޮށް ދެއްވައިފަ އެވެ.
ޑިޖިޓަލް އައިލޭންޑްގެ ލަގަބު ލަންދު އަށް ދިނީ ދުނިޔޭގެ ޓެލެކޮމިއުނިކޭޝަން ދުވަހުގެ މުނާސަބަތުގައި އުރީދޫ މޯލްޑިވްސްގެ ޑިޖިޓަލް މޯލްޑިވްސް، ޕަވާޑް ބައި އޭއައި ކެމްޕެއިންގެ ދަށުންނެވެ. ޑިޖިޓަލް އިންކްލޫޝަނާއި އެމްޕަވާމަންޓް ރާއްޖޭގެ އެކި ކަންކޮޅުތަކުގައި ކުރިއެރުވުމަށް އުރީދޫން ކުރަމުން ގެންދާ މަސައްކަތްތަކުގެ މައްޗަށް މި ޕްރޮޖެކްޓްގައި އަލިއަޅުވާލާފައިވެ އެވެ.
އުރީދޫން ވަނީ ލަންދޫ ކައުންސިލާ ގުޅިގެން އެ ކުންފުނިން އިސް ނަގައިގެން ރަށުގެ އިޖުތިމާއީ އަދި އިގުތިސާދީ މަންޒަރަށް އިންގިލާބީ ބަދަލުތަކެއް ގެނައުމަށް މަސައްކަތްކުރާނެ ކަމަށް ވެސް ބުނެފަ އެވެ.
ސްޓްރެޓެޖިކް ޕާޓްނާޝިޕްތަކާއި އީޖާދީ ޑިޖިޓަލް ސޮލިއުޝަންތައް މެދުވެރިކޮށް އުރީދޫ ޑިޖިޓަލް އައިލެންޑް ޕްރޮގްރާމުގެ އަމާޒަކީ ސިއްހީ ދާއިރާ، ތައުލީމީ ދާއިރާ އަދި ވިޔަފާރި ފަދަ ދާއިރާތައް ކުރިއެރުވުމާއި ކުރިއެރުމަށް އިތުރު މަގުތަކެއް ފަހިކޮށް ދިނުމެވެ.