ބޮލީވުޑްގެ ކުޅަދާނަ އެކްޓަރު އަޔޫޝްމަން ކްރާނާގެ އަންހެނުން ތާހިރާ ކޭޝަޕް ލިޔެ، ޑައިރެކްޓްކުރި ފުރަތަމަ ފީޗާ ފިލްމު "ޝަރުމާޖީ ކީ ބޭޓީ" މި މަހުގެ 28 ގައި އެމެޒޯން ޕްރައިމް ވީޑިއޯ އިން ޕްރީމިއާ ކުރަން ނިންމައިފި އެވެ.
ސިނަމާތަކަށް ގެނައުމުގެ ބަދަލުގައި މި ފިލްމު ސްޓްރީމިން އަށް ދޫކޮށްލަން ނިންމި އިރު، މިއީ 2019 ގައި އިއުލާންކުރި ފިލްމެކެވެ. "ޝަރުމީ ޖީ ބޭޓީ" ގެ މަސައްކަތް މަޑުޖެހުނީ އެ އިއުލާންކުރިތާ މާ ގިނަ ދުވަސްތަކެއް ނުވަނީސް ތާހިރާ އަށް އުރަމަތީގެ ކެންސަރު ޖެހި، އެ ބައްޔަށް ފަރުވާ ހޯދަން ޖެހުމާ ގުޅިގެންނެވެ.
މީގެ ދެ އަހަރު ކުރިން ފިލްމުގެ މަސައްކަތް ފެށީ ދެ ކުދިންގެ މަންމަ ބަލިން އެއްކޮށް ފަސޭހަވުމާ ގުޅިގެންނެވެ.
"ޝަރުމާޖީ ކީ ބޭޓީ" ގެ މައިގަނޑު ކާސްޓްގައި ހިމެނެނީ މިހާރު މަދުމަދުން ފިލްމުތަކުން ވެސް ފެންނަ މަޝްހޫރު ޓީވީ ބަތަލާ ސާކްޝީ ތަންވަރާއި ދިވްޔާ ދައްތާގެ އިތުރުން ޒުވާން ބަތަލާ ސައްޔާމީ ކޭރެވެ. އަދި ފިލްމުން ކުޑަކުދިންތަކެއް ވެސް ފެނިގެން ދާނެ އެވެ.
"ޝަރުމާޖީ ކީ ބޭޓީ" އުފައްދާފައި ވަނީ ޕްރޮޑިއުސަރު އަތުލް ކަސްބޭކަރްގެ އެލިޕްސިސް އެންޓަޓައިންމަންޓާއި ޕްރޮޑިއުސަރު ސަމީރު ނައިރްގެ އެޕްލޯސް އެންޓަޓައިންމަންޓް ގުޅިގެންނެވެ.