އީދު ދުވަހު މާލެ ސަރަހައްދުގައި ވެހިކަލް ދުއްވަން މަނާކޮށްފައި އޮތް ގަޑީގައި ވެހިކަލް ދުއްވައިގެން 43 ފަރާތެއް ޖޫރިމަނާކޮށްފި އެވެ.
އިއްޔެ ފާހަގަކުރި ބޮޑު އީދު ދުވަހާ ގުޅިގެން މާލޭ ސިޓީ ކައުންސިލުން އޮތީ އިއްޔެ ހަވީރު 4:00-6:00 އަށް މާލެ އާއި ވިލިމާލެ އަދި ހުޅުމާލޭގެ އާންމު ހުރިހާ މަގުތަކުގައި ވެހިކަލް ދުއްވުން މަނާކޮށްފަ އެވެ.
ނަމަވެސް އެ ވަގުތުތަކުގައި 43 މީހަކު ވެހިކަލް ދުއްވައިގެން ޖޫރިމަނާކޮށްފައިވާ އިރު، އޭގެ ތެރޭގައި ހުޅުމާލެއިން ފޭސް އެކަކުން 27 މީހަކާއި ފޭސް ދޭކުން 13 މީހަކާއި މާލެ އިން ތިން މީހަކާއި ވިލިމާލެއިން އެކެކެވެ.
އީދު ދުވަހު ހަވީރު ވެހިކަލްތައް ދުއްވުން މަނާކުރީ ފައިމަގުގައި ހަވީރު ކުޑަކުދިންނާއި އާއިލާތަކަށް މާލޭގެ މަގުތަކުގައި ހަވީރު ހިނގާބިނގާވެ އުޅުމަށް ފުރުސަތު ދިނުމުގެ ގޮތުންނެވެ.