ހުޅުމާލޭގެ ދެވަނަ ފިޔަވަހީގެ ބީޗް ސަރަހައްދުގައި އަމިއްލަ ފަރާތްތަކުން ހަދާފައިވާ ވިޔަފާރި ހަޓްތައް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ނަގަން ފަށައިފި އެވެ.
ރުއްގަނޑު ތިނެއްގެ ބީޗް ސަރަހައްދުގައި އަމިއްލަ ފަރާތްތަކުން ހަދާފައިވާ ހަޓްތަކާއި އެތާނގައި ބަހައްޓާފައިވާ ތަކެތި ނަގަން، ފެށީ އެ ތަކެތި ނަގަން ވެރިފަރާތްތަކަށް އެކި ފަހަރފު މަތިން އެންގުމަށް ފަހު އެވެ.
އެޗްޑީސީން ބުނެފައި ވަނީ ބީޗް ސަރަހައްދުގައި ވަގުތީ ގޮތުން ހަދާފައިވާ ހަޓްތައް ނަގައި އެ ތަކެތި އެހެން ދިމާތަކަށް ބަދަލު ކުރަން އެންގީ އެ ސަރަހައްދު އިތުރަށް ތަރައްގީކުރުމަށް ކުރަންޖެހޭ މަސައްކަތްތައް ކުރުމަށް ކަމަށްޓަކައި ކަމަށެވެ.
ބީޗް ސަރަހައްދުގައި ވަގުތީ ހަޓްތަކެއް ޖަހައިގެން އަމިއްލަ ގޮތުން ވިޔަފާރި ކުރާތީ، އެކަމާ ގުޅޭ ގޮތުން ގިނަ ބައެއްގެ ޝަކުވާ ލިބެމުން އަންނަ ކަމަށް އެޗްޑީސީން ބުނެފައިވެ އެވެ. އަދި ގިނަ ރައްޔިތުންގެ ކަންބޮޑުވުންތަކަށް ރިއާޔަތްކޮށް، އެ ސަރަހައްދު އިތުރަށް ތަރައްގީކޮށް ވަސީލަތްތައް ގާއިމު ކުރުމަށް މަސައްކަތްކުރަމުން އަން ނަކަމަށް އެ ކުންފުނިން ބުންޏެވެ.
ކޯޕަރޭޝަނުން ބުނެއެވެ. އަދި މި ސަރަހައްދު ތަރައްގީ ކޮށް ނިމުމުން، ކަނޑައެޅޭ އުސޫލެއްގެ ދަށުން ވިޔަފާރިތަކަށް އަލުން ހުޅުވާލާނެކަމަށް އެޗްޑީސީން ބުނެފައިވެއެވެ.