މަސްތުވާތަކެއްޗާއި ބަނގުރަލުގެ ވިޔަފާރިކުރި ކުރަމުން ދިޔަކމުގެ ތުހުމަތުގައި ދެ މީހަކު ހައްޔަރުކޮށް 30 ދުވަހަށް ބަންދުކޮށްފި އެވެ.
އެ މައްސަލާގައި ހައްޔަރުކުރީ 41 އަހަރުގެ މީހަކާއި 31 އަހަރުގެ ދިވެހި ފިރިހެނުންނެވެ. އެ މީހުންގެ މައްޗަށް ފުލުހުން ކުރަނީ މަސްތުވާތަކެއްޗާއި ބަނގުރާ ގެންގުޅެ އެތަކެތީގެ ވިޔަފާރިކުރާ ކަމުގެ ތުހުމަތެވެ. ފުލުހުން ކޯޓަށް ހުށަހަޅައިފައިވާ އިންޓެލިޖެންސް ރިޕޯޓްގައިވާ ގޮތުން އެ ދެ މީހުންނަކީ ވެސް މަސްތުވާތަކެތީގެ ވިޔަފާރިކުރުމުގައި އަމަލީ ގޮތުން ބައިވެރިވަމުން ދިޔަ ދެ މީހުންނެވެ.
އެހެންވެ މަސްތުވާތަކެތީގެ ވިޔަފާރި ކުރުމުގައި އަމަލީ ގޮތުން ބައިވެރިވާ ބަޔަކު ބަންދުން ދޫކޮށްލުމަކީ މުޖުތަމައުގެ ސަލާމަތަށް ނުރައްކަލެއް ކުރިމަތިވެދާނެ ކަމެއް ކަމަށް ފެންނަ ކަމަށް އެ މީހުންގެ ބަންދު އަމުރުގައިވެ އެވެ.