ސަރުކާރުން ވެފައިވާ ވައުދުތައް ހަނދާންކޮށްދޭ ފުޅަނދުތައް ބަލައިގަންނަނީ ބިނާކުރަނިވި ފާޑުކިޔުމެއްގެ ގޮތުގައި ކަމަށް ފިޝަރީޒް މިނިސްޓަރު އަހުމަދު ޝިޔާމް ވިދާޅުވެއްޖެއެވެ.
މިނިސްޓަރު ޝިޔާމް މިފަދައިން ވިދާޅުވެފައިވަނީ ކުޅުދުއްފުށީ ސިޓީގައި ބޭއްވި މަށިމާލި ޕެރޭޑާ ގުޅޭގޮތުންނެވެ. ކުޅުދުއްފުށީ މަށިމާލި ޕެރޭޑަކީ ގިނަ ބައެއްގެ ސަމާލުކަން ހުއްޓޭ ހަރަކާތެކެވެ.
މިނިސްޓަރު ޝިޔާމް އެކްސްގައި ކުރެއްވި ޕޯސްޓެއްގައި ވިދާޅުވީ ކުޅުދުއްފުށީ މަށިމާލި ޕެރޭޑަކީ އީދުގެ އުފާވެރި ޖައްވުން އަބަދުވެސް ގިނަބައެއްގެ ސަމާލުކަންހުއްޓޭ ހަރަކާތެއް ކަމަށެވެ. ސަރުކާރުތަކުގެ ބައެއް ސިޔާސަތަައް ފާޑުކިޔުމާއި، ވައުދުތައް ހަނދާންކޮށްދޭ ފުޅަނދުތައް ދެކެނީ ބިނާކުރުވަނިވި ފާޑުކިޔުން އަދި މެސެޖުތަކެއްގެ ގޮތުގައި ކަމަށްވެސް މިނިސްޓަރު ޝިޔާމް ވިދާޅުވިއެވެ.
ކުޅުދުއްފުށީ މަށިމާލި ޕެރޭޑަކީ ޢީދުގެ އުފާވެރި ޖައްވުން އަބަދުވެސް ގިނަބައެއްގެ ސަމާލުކަންހުއްޓޭ ހަރަކާތެއް. ސަރުކާރުތަކުގެ ބައެއް ސިޔާސަތަައް ފާޑުކިޔުމާއި ވަޢުދުތައް ހަނދާންކޮށްދޭ ފުޅަނދުތައް އަޅުގަނޑު ދެކެނީ ބިނާކުރުވަނިވި ފާޑުކިޔުން އަދި މެސެޖުތަކެއްގެ ގޮތުގައި. عيد مبارك https://t.co/VJHB9CkAUH
— Ahmed Shiyam (@Shiyamaldives) June 18, 2024
ކުޅުދުއްފުށީ ސިޓީގައި ބޭއްވި މަށިމާލި ޕެރޭޑުގައި މިފަހަރު ފެނުނު މާލިތަކުގެ ތެރެއިން، މިސަރުކާރުން މަސްވެރިންނަށް ވެފައިވާ ވައުދުތަކާއި، ކަރަންޓް ބިލު ބޮޑުވުމުގެ މައްސަލަ ފާހަގަ ކުރެވެއެވެ.