ރ. އިނގުރައިދޫން ކަރަންޓު ކެނޑޭ މައްސަލަ ހައްލު ކުރުމުގެ މަސައްކަތް ކުރިއަށްދާ ކަމަށް ފެނަކައިން ބުނެފިއެވެ.
ފެނަކައިން ބުނެފައިވަނީ އިނގުރައިދޫގައި ހިންގަމުންގެންދާ 3 ޖަނަރޭޓަރުގެ ތެރެއިން 1 ޖެނެރޭޓަރަށް މައްސަލައެއް ދިމާވެފައިވާ ކަމަށެވެ. މައްސަލަ ދިމާވެފައިވަނީ 400kW ގެ ޖަނަރޭޓަކަށެވެ.
މި ޖަނަރޭޓަރަށް ދިމާވި މައްސަލައިގެ ސަބަބުން ވޭތުވެދިޔަ 3 ދުވަހު މުޅިރަށުން ކަރަންޓް ކެނޑުން ތަކުރާރުވެފައިވާ ކަމަށް ފެނަކައިން މައުލޫމާތުދެއެވެ.
އެ ކުންފުނިން ބުނެފައިވަނީ މައްސަލަ ހައްލު ކުރުމަށް ފެނަކައިގެ ޓެކްނިކަލް ޓީމެއް މިހާރު މަސައްކަތް ކުރަމުންދާ ކަމަށެވެ.