ހއ. އަތޮޅުގެ 13 ރަށަކަށް 52 ނަރުހުން ހޯދަން ހއ. އަތޮޅު ހޮސްޕިޓަލުން އިއުލާންކޮށްފި އެވެ.
އެ ހޮސްޕިޓަލުން ކުރި އިއުލާނެއްގައި ބުނީ ގިނަ އަދަދެއްގެ ނަރުހުން ހޯދަން އިއުލާން ކުރީ ބިދޭސީ ނަރުހުންގެ ބަދަލުގައި ދިވެހި ނަރުހުން ހޯދަން ކަމަށެވެ.
ނަރުހުން ހޯދަން އިއުލާންކުރީ ހއ. އަތޮޅު ހޮސްޕިޓަލްގެ އިތުރުން އެ އަތޮޅުގެ ރަށްރަށުގެ ސިއްހީ މަރުކަޒުތަކަށެވެ.
އެހެންވެ ޝައުގުވެރިވާ ނަރުހުންނަށް އެޕްލައި ކުރުމުގެ ފުރުސަތު މި މަހުގެ 30 އާ ހަމައަށް ވަނީ ހުޅުވާލައިފަ އެވެ.
މަގާމުގެ ޝަރުތުތަކުގެ ތެރޭގައި، މޯލްޑިވްސް ނާސިން އެންޑް މިޑްވައިފްރީ ކައުންސިލްގައި ރަޖިސްޓްރީކޮށްފައިވުމާއި ޕްރެކްޓިސިން ލައިސަންސް ލިބިފައިވުން ހިމެނެ އެވެ.