ޕޯސްޓު މެދުވެރިކޮށް ރާއްޖެ އަށް ކެނަބިސް އެތެރެކުރި މީހަކު އެވެ.
މަސްތުވާތަކެތި އެތެރެކޮށް، ބޭނުންކޮށް އެތަކެތީގެ ވިޔަފާރިކުރުމުގެ މައްސަލާގައި ފުލުހުން ހައްޔަރުކޮށްފައި ވަނީ 30 އަހަރުގެ ދިވެހި ފިރިހެނެކެވެ. އޭނަގެ ބަންދަށް ކްރިމިނަލް ކޯޓުން މިއަދު 15 ދުވަސް ޖަހާފައިވެ އެވެ.
އެ މީހާގެ ކޯޓު އަމުރުގައިވާ ގޮތުން އޭނާ ހައްޔަރުކުރީ ޕޯސްޓު މެދުވެރިކޮށް ގެނައި ޕެކޭޖެއްގައި މަސްތުވާތަކެތި ހުރި ކަމަށް ޝައްކުވެގެން ހިންގި އޮޕަރޭޝަނެއްގަ އެވެ. އެގޮތުން ޕެކޭޖް ބަލައި ދިޔަ ފަރާތުގެ ހާޒިރުގައި ކަނޑައި ބެލި އިރު ކެނަބިސްކަމަށް ޝައްކުކުރެވޭ 1،006 ގްރާމްގެ މަސްތުވާތަކެތި ފެނިފައިވާ ކަމަށް ބުނެފައިވެ އެވެ.
އަމުރުގައި ބުނީ އެކަމާ ގުޅިގެން އެ ދެ މީހުންގެ ދެމެދުގައި މުއާމަލާތްތަކެއް ކުރެވިފައިވާ ކަމަށް ސީންގައި ތިބި ފުލުހުންގެ ބަޔާނުން އެނގޭ ކަމަށެވެ.
އަމުރުގައި ބުނީ ހައްޔަރުކުރި މީހާގެ ސައިކަލު މަޑިދަށުން މަސްތުވާއެއްޗެއް ކަމަށް ބެލެވޭ އެއްޗެއް ހުރި ޖޫސްޕެޓީ ކޮތަޅެއްވެސް ފެނިފައިވާ ކަމަށާއި އޭނަގެގެ ކުޑަކަމުދާތަކެތި ޓީއެޗްސީ އަށް ވެސް ޕޮޒިޓިވްވެފައިވާ ކަމަށެވެ.