މިއަހަރު ތެރޭގައި ރާއްޖޭގެ ޓޫރިޒަމަށް އިތުރު 2،600 އެނދު ނެރެވޭނެ ކަމަށް ލަފާކުރެވޭ ކަމަށް ޓޫރިޒަމް މިނިސްޓަރު އިބްރާހީމް ފައިސަލް ވިދާޅުވެއްޖެ އެވެ.
ދައުލަތުގެެ މީޑިއާ ޕީއެސްއެމްގައި މިނިސްޓަރު ވިދާޅުވީ ވިދާޅުވީ މިހާރު ރިސޯޓުތައް ތަރައްގީކުރެވެމުްނ އަންނަ ސްޕީޑަށް ބަލާއިރު، މި އަހަރުތެރޭ 12-15 ވަރަކަށް ރިސޯޓް އަލަށް ހުޅުވޭނެކަމުގެ އުންމީދު އިތް ކަމަށެވެ.
"މިހާރު ސްޓެޓިސްޓިކްސްއަށް ބަލާފައި، ލަފާކުރެވޭނީ 2600 އެނދު މި އަހަރު ނެރެވޭނެ ކަމަށް. މީގެތެރޭގައި ހިމެނޭ އަލަށް ހުޅުވިގެންދާނެ ބާރަ ނޫނީ 15 ރިސޯޓެއް ވެސް." ފައިސަލް ވިދާޅުވިއެވެ.
މިހާރު ރާއްޖޭގެ ބެޑް ކެޕޭސިޓީ އަކީ 62،300 އެވެ. އެއީ ރިސޯޓްތަކާއި ގެސްޓްހައުސްތަކާއޮ ސިޓީ ހޮޓާ ފަދަ 1،198 ފެސިލިޓީއެއް ހިމެނޭ ގޮތަށެވެ. އެގޮތުން 174 ރިސޯޓަކުން ނެރެފައިވާ 42،955 އެނދާއި، 860 ގެސްޓުހައުސްއަކުން ނެރެފައިވާ 14،461 އެނދު ހިމެނެ އެވެ.
ރާއްޖެ އަށް މި އަހަރު މަދުވެގެން 2.3 މިލިއަން ޓޫރިސްޓުން ގެނައުމަކީ ސަރުކާރުގެ އަމާޒެކެވެ. މި އަހަރުގެ މިހާތަނަށް ރާއްޖެ އަށް 900،000 އަށް ވުރެ ގިނަ ޓޫރިސްޓުން ޒިޔާރަތްކޮށްފައިވެ އެވެ.
މިނިސްޓަރު ވިދާޅުވީ ރާއްޖޭގެ އެކި ހިސާބުތަކަށް ޓޫރި×ަމް ފުޅާކުރުމަށް ސަރުކާރުން މަސައްކަތްތަކެއް ކުރަމުން އަންނަ ކަމަށެވެ. އެގޮތުން ދާދި ފަހުން އިތުރު 9 އަތޮޅަކުން 19 ރަށް ޓޫރިޒަމަށް ހުޅުވާލާފައިވާކަން ފާހަގަކުރެއްވި އެވެ. ފައިސަލް ވިދާޅުވީ އެ ރަށްތަކަށް އިންވެސްޓަރުން ހޯދުމަށްޓަކައި ސަރުކާރުން ގިނަ މަސައްކަތްތަކެއް ކުރަމުން އަން ކަމަށާއި، އެކި ގައުމުތަކުގައި އިންވެސްޓަސް ފޯރަމްތައް ބޭއްވުމަށް ތައްޔާރުވަމުން އަންނަ ކަމަށެވެ.
"އުންމީދަކީ ޖުލައި ނޫނީ އޮގަސްޓުތެރޭ ފުރަތަމަ އިންވެސްޓަރ ފޯރަމް ބޭއްވިގެންދާނެ ކަމަށް." މިނިސްޓަރު ވިދާޅުވި އެވެ.