ރައީސް ޑރ. މުހައްމަދު މުއިއްޒު އަކީ ވައްކަން ކުރައްވާނެ ބޭފުޅެއް ނޫންކަމަށް ބާރަށު ދާއިރާގެ މެންބަރު އިބްރާހިމް ޝުޖާއު ވިދާޅުވެއްޖެއެވެ.
ރައީސް މުއިއްޒު އާއިލާއާއެކު ރިސޯޓެއްގައި ޗުއްޓީ ހޭދަކުރައްވާ ކަމަށްބުނެ ބައެއް މީޑިއާތަކުން ރިޕޯޓްކުރި ހަބަރާ ގުޅިގެން ޝުޖާއު އެކްސްގައި ކުރެއްވި ޕޯސްޓެއްގައި ވިދާޅުވީ، ރައީސުލްޖުމްހޫރިއްޔާއަށް ޗުއްޓީ އޮންނަ ކަމަށާއި އަދި ޗުއްޓީ ނެގޭ ކަމަށެވެ.
"މިޚަބަރުގެ ގޭސް ބަޔަކީ ”ލަގްޒަރީ“. ރައީސުލްޖުމްހޫރިއްޔާ އަކީ 100,000.00ރުފިޔާ މުސާރަ ރައްޔިތުން ދެއްވާ ފަރާތެއް." ޝުޖާއުގެ ޕޯސްޓްގައި ބުނެފައިވެއެވެ.
ޝުޖާއު ބުނެފައިވަނީ ރައީސް މުއިއްޒު އަކީ ވައްކަން ކުރާނެ ބޭފުޅެއް ނޫންކަން ދިވެހިން ޤަބޫލް ކުރާ ކަމަށެވެ. އަދި ރައީސް މުއިއްޒު މާސާފުވާނެ ކަމަށްވެސް ޝުޖާއު ވިދާޅުވިއެވެ.
ރައީސުލްޖުމްހޫރިއްޔާ އަށް ޗުއްޓީ އޮވޭ.ޗުއްޓީ ނެގޭ.މިޚަބަރުގެ ގޭަސް ބަޔަކީ ”ލަގްޒަރީ“.ރައީސުލް ޖުމްހޫރިއްޔާ އަކީ 100,000.00ރުފިޔާ މުސާރަ ރައްޔިތުން ދެއްވާ ފަރާތެއް.
ރައީސް @MMuizzu އަކީ ވައްކަން ކުރާނެ ބޭފުޅެއްނޫން ކަން ދިވެހިން ޤަބޫލް ކުރޭ.ރައީސް މުޢިއްޒު މާސާފުވާނެ. https://t.co/kf3MwH1UBY— Ibrahim Shujau (@IbrahimShujaau) June 18, 2024
ރައީސް މުއިއްޒު އާއިލާއާއެކު ރިސޯޓެއްގައި ޗުއްޓީ ހޭދަކުރައްވާ ކަމަށްބުނެ ރިޕޯޓްކޮށްފައިވާ ހަބަރަށް ރައީސް އޮފީހުން ވަކިއެއްޗެއް ބުނެފައެއް ނުވެއެވެ.