ސިނަމާލެ ބްރިޖް ހައިވޭގައި އެކްސިޑެންޓްވުމުން ފިލި މީހަކު ފުލުހުން ހޯދަން ފަށައިފި އެވެ.
އެ އެކްސިޑެންޓު ހިނގައިފައި ވަނީ ރޭ 8:45 ހާއިރެވެ. އެކްސިޑެންޓްގައި މީހަކަށް އަނިޔާވެގެން ފަރުވާ ވެސް ދީފައިވެ އެވެ. އެކަމަކު އެ މީހާ އަށް ސީރިއަށް އަނިޔާއެއް ނުވާ ކަމަށް ފުލުހުން ބުންޏެވެ.
އެކްސިޑެންޓް ހިނގުމާ ގުޅިގެން ވެހިކަލް ދުއްވި މީހާ ފިލާފައިވާތީ އޭނަ ހޯދުމުގެ މަސައްކަތް ކުރަމުން އަންނަ އިރު، އެ ހާދީސާ ފުލުހުން އަންނަނީ އިތުރަށް ތަހުގީގު ކުރަމުންނެވެ.
މީގެ ކުރިން ވެސް އެކްސިޑެންޓްވުމުން ބައެއް މީހުން ފިލާފައިވެ އެވެ. އަދި އެފަދަ މީހުން ހޯދަން ފުލުހުން އާންމުންގެ އެހީ އަށް ވެސް އެެދިފައިވެ އެވެ.