މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ސީއީއޯ މުހައްމަދު ވަޖީހުގެ ނަމުގައި އެކްސްގައި ފޭކް އެކައުންޓެއް ހަދައިގެން އުޅޭތީ އެކަމަށް ސަމާލުވާން އޭނަ އެދިވަޑައިގެންފި އެވެ.
އެ އެކައުންޓް ޕްރޮފައިލްގެ ސްކްރީން ޝޮޓަކާ އެކީ ފޭސްބުކް ޕޯސްޓެއްގައި ވިދާޅުވީ އޭނަ ވިދާޅުވީ ނަމުގައި ފޭކް އެކައުންޓެއް ހަދައިގެން ޞައްޙަ ނޫން މެސެޖްތަކެއް ދަނީ ކުރަމުންދާ ކަމަށެވެ.
"ވީމާ، އެންމެހައި ފަރާތްތަކުން މި އެކައުންޓުން ކުރާ މެސެޖްތަކަށް ސަމާލުކަން ނުދެއްވައި އެކައުންޓް ރިޕޯޓްކޮށް ދެއްވުމަށް އެދި ދަންނަވަން." ވަޖީހު ވިދާޅުވި އެވެ.
އޭނަގެ އަސްލު އެކްސްގެ އެކައުންޓަކީ މުހައްމަދު ވަޖީހުގެ ނަމުގައި ގެންގުޅޭ އެކައުންޓެވެ. ފޭކް އެކައުންޓްގައި ވެސް މުހައްމަދު ވަޖީހުގެ އިތުރުން ބްރެކެޓެއްގެ ތެރޭގައި މެންޑިސް ޖަހާފައިވެ އެވެ. އެކަމަކު ދެ އެކައުންޓްގެ ޕްރޮފައިލްގައި އިނީ އެއް ފޮޓޯއެކެވެ.