މާލެ ސިޓީ ކައުންސިލުން ހުސްވެފައިވާ ގޮނޑިތަކަށް މެމްބަރުން އިންތިހާބުކުރުމަށް ބާއްވާ ބައި-އިލެކްޝަނަށް ވާދަކުރީ ވެރިކަންކުރާ މައި ޕާޓީ ޕީއެންސީ އަދި އިދިކޮޅު އެމްޑީޕީން އެކަނި ކަމަށް އިލެކްޝަންސް ކޮމިޝަން (އީސީ) އިން ހާމަކޮށްފިއެވެ.
މާލެ ސިޓީ ކައުންސިލުން ހުސްވީ ހެންވޭރު ހުޅަނގު ދާއިރާ އާއި މައްޗަންގޮޅި މެދު ދާއިރާ އާއި ހުޅުމާލެ ދާއިރާ އެވެ. އެ ގޮނޑިތައް ހުސްވީ އެ ދާއިރާތަކުގެ ކައުންސިލަރު ކަމުގައި ތިއްބެވި ބޭފުޅުން، ވިހިވަނަ ރައްޔިތުންގެ މަޖިލީހުގެ މެންބަރު ކަމަށް އިންތިހާބުވުމާ ގުޅިގެންނެވެ.
މި ދާއިރާތަކުގެ ބައި އިލެކްޝަން ބޭއްވުމަށް ހަމަޖެހިފައިވަނީ އަންނަ ޖުލައި މަހުގެ 20 ވަނަ ދުވަހުއެވެ.
މާލެ ސިޓީ ކައުންސިލް ހުސްވި ދާއިރާތަކަށް ވާދަކުރާ ފަރާތްތައް:
މައްޗަންގޮޅި މެދު ދާއިރާ:
1- ފާތިމަތު އިޝާން ޢަލީ، އައިނާއެޑަމްސް / މާލެ، ޕީޕަލްސް ނޭޝަނަލް ކޮންގްރެސް
2- ޙައްވާ ޝިފާނާ، މއ. ރިހިރާޅު / މާލެ، ދިވެހިރައްޔިތުންގެ ޑިމޮކްރެޓިކް ޕާޓީ
ހެންވޭރު ހުޅަނގު ދާއިރާ:
1- ފާތިމަތު ޝައުފާ ސަލީމް، ހ. އިސްފަހާން / މާލެ، ޕީޕަލްސް ނޭޝަނަލް ކޮންގްރެސް
2- މުޙައްމަދު ޢަލީ ޖިނާދު، ހ. ގްރީންޒެސްޓް / މާލެ، ދިވެހިރައްޔިތުންގެ ޑިމޮކްރެޓިކް ޕާޓީ
ހުޅުމާލެ ދާއިރާ:
1- ޢަލީ އައިމަން، ހ. ފުޖޭރާ/ މާލެ، ޕީޕަލްސް ނޭޝަނަލް ކޮންގްރެސް
2- އަޙްމަދު ރަޝީދު (ތުތީ)، ހުޅުމާލެ. މާވަހަރު 3/ މާލެ، ދިވެހިރައްޔިތުންގެ ޑިމޮކްރެޓިކް ޕާޓީ
ޤާނޫނުގައިވާ ގޮތުން ކައުންސިލްގެ ގޮނޑިއެއް ހުސްވާތާ 60 ދުވަހުގެ ތެރޭގައި ބައި-އިލެކްޝަނެއް ބާއްވަން ޖެހެ އެވެ.