އައްޑޫ ސިޓީ މީދޫ ކޯގަން ސަހަރާ ކުރިމަތީ ވަލުތެރޭގައި ރޯވި އަލިފާން، އެމްއެންޑީއެފް ފަޔާ ފައިޓަރުން ނިއްވާލައިފިއެވެ.
އެމްއެންޑީއެފްއިން ބުނެފައިވަނީ މީދޫ ކޯގަން ސަހަރާ ކުރިމަތީ ވަލުތެރޭގައި ރޯވި އަލިފާން ނިއްވާލާފައިވަނީ ސަދަން އޭރިއާ ކޮމާންޑް، ހުޅުމީދޫ ފަޔަރ ސްޓޭޝަނުން ކަމަށެވެ.
މި ހާދިސާގެ ރިޕޯޓް ލިބިފައިވަނީ މިއަދު 15:26 ހާއިރު ކަމަށާއި އެއާއެކު ފަޔަރ ސްޓޭޝަނުގެ ފަޔަރ ފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައިވާ ކަމަށެވެ. މިގޮތުން، ހުޅުމީދޫ ފަޔަރ ސްޓޭޝަނުގެ ފަޔަރ ފައިޓަރުން ކުރި މަސައްކަތުން ވަލުތެރޭގައި ރޯވި އަލިފާން ހަވީރު 16:10 ހާއިރު ނިއްވާލެވުނު ކަމަށް މައުލޫމާތުދީފައިވެއެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާކަމަށް އެމްއެންޑީއެފްއިން މައުލޫމާތުދެއެވެ.