ބައިނަލްއަގްވާމީ 10 ވަނަ ޔޯގާ ދުވަހާ ގުޅުވާ މާލޭގައި ޔޯގާ ދުވަސް ފާހަގަކޮށްފިއެވެ.
އެގޮތުން މިއަދު އިންޑިއާ ހައިކޮމިޝަނާއި އިންޑިއާގެ ކަލްޗަރަލް ސެންޓަރު ގުޅިގެން އިންޑިއާ ހައި ކޮމިޝަނުގައި ވަނީ ޔޯގާ ދުވަސް ފާހަގަ ކޮށްފައެވެ.
ޔޯގާގެ ހަރަކާތް ކުރިއަށް ގެންގޮސްފައިވަނީ "ޔޯގާ ފޯ ސެލްފް އެންޑް ސޮސައިޓީ"ގެ ނަމުގައެވެ. ޔޯގާ ދުވަސް ފާހަގަކުރުމަށް ކުރިއަށް ގެންދިޔަ ހަރަކާތުގައި އިންޑިއާ ހައިކޮމިޝަނަރު ބައިވެރިވެވަޑައިގެންފައިވެއެވެ.
Yoga for Self and Society
10th International Day of Yoga celebrated at the High Commission of India in the Maldives.
Event witnessed participation of Maldivian & Indian Yoga enthusiasts.#InternationalDayofYoga2024#Yoga #IDY2024 #YogaDay2024 https://t.co/x86QeD5p9o pic.twitter.com/urKmTM18yX
— India in Maldives (@HCIMaldives) June 20, 2024
ބައިނަލްއަގްވާމީ ޔޯގާ ދުވަހުގެ ގޮތުގައި ކަނޑައަޅާފައިވަނީ ކޮންމެ އަހަރެއްގެ ޖޫން މަހުގެ 21 ވަނަ ދުވަހެވެ.
މިއަހަރުގެ ޔޯގާ ދުވަސް ފާހަގަ ކޮށްފައިވާއިރު، 2022 ވަނަ އަހަރު ޔޯގާ ދުވަސް ފާހަގަ ކުރުމަށް ގަލޮޅު ރަސްމީ ދަނޑުގައި ބޭއްވި ހަރަކާތަކަށް ހުރަސް އެޅުމުގެ ގޮތުން ބަޔަކު ވަނީ އެތަނަށް ވަދެ ހަމަނުޖެހުން ހިންގާފައެވެ.