ރާއްޖޭގައި އުފެދުނު އެންމެ ކުޅަދާނަ އެއް ލަވަކިޔުންތެރިޔާ އިބްރާހިމް ހަމްދީ، ޕީޕަލްސް ނެޝަނަލް ކޮންގްރެސް (ޕީއެންއެފް) އަށް ސޮއި ކޮށްފިއެވެ.
ހަމްދީ އާއިއެކު އޭނާގެ އަނބިކަނބަލުން ޒަރާނާވެސް ވަނީ ޕީއެންއެފްއަށް ސޮއި ކޮށްފަައެވެ.
ހަމްދީ ޕީއެންއެފްއަށް ސޮއިކުރި ފޯމް އަރުވާފައިވަނީ ކުރީގެ ރައީސް އަބްދުﷲ ޔާމީންގެ އަތްޕުޅަށެވެ. މިކަމަށް ބޭއްވި ރަސްމިއްޔާތުގައި ޕީއެންއެފްގައި އިސްކޮށް އުޅުއްވާ ބައެއް ބޭފުޅުން ބައިވެރިވެވަޑައިގެންފައިވެއެވެ.
ކުރީގެ ރައީސް އަބްދުﷲ ޔާމީން އިސްވެ ހުންނަވައިގެން އުފެއްދި ޕީއެންއެފް ސިޔާސީ ޕާޓީއެއްގެ ގޮތުގައި ރަޖިސްޓްރީ ކޮށްފައިވާއިރު އިލެކްޝަންސް ކޮމިޝަންގެ ވެބްސައިޓް ދައްކާގޮތުން އެޕާޓީގައި ތިބީ ބަރާބަރު 3000 މެންބަރުންނެވެ.
އެންމެ ފަހުން ބޭއްވި ރައްޔިތުންގެ މަޖިލީހުގެ އިންތިހާބުގައި ޕީއެންއެފްގެ ތާއީދުގައި ވާދަކުރި އެއްވެސް ކެންޑިޑޭޓެއް އިންތިހާބު ވެފައެއް ނުވެއެވެ. އަދި މަޖިލިސް އިންތިހާބަށްފަހު އެ ޕާޓީގެ ހަރަކާތްތައް ވަނީ ކޮންމެވެސް ވަރަކަށް މަޑުޖެހިފައެވެ.