އައްޑޫ ހިތަދޫ ޕޮލިސް ސްޓޭޝަނުން އިންތިޒާމުކޮށްގެން މިއަދު އެ އަވަށުގައި ކުޑަކުދިންގެ ހަވީރެއް ބާއްވަން ނިންމައިފި އެވެ.
"ހިތަދޫ ޕޮލިސްގެ ކުޑަކުދިންގެ ހަވީރު" ގެ ނަމުގައި ބާއްވާ މި އިވެންޓް އޮންނާނީ ހިތަދޫ ފްލެޓް ސަރަހައްދުގަ އެވެ. އިވެންޓް ކުރިއަށް ދާނީ ހަވީރު 4:30 އިން 6:15 އަށެވެ. އެހެންވެ ފްލެޓްގައި އުޅޭ އާއިލާތަކުގެ އިތުރުން ހިތަދޫގެ ގިނަ ބަޔަކު މި ކުޑަކުދިންގެ ހަވީރުގައި ބައިވެރިވުމަށް ހިތަދޫ ޕޮލިސް ސްޓޭޝަނުން އެދެ އެވެ.
މި އިވެންޓްގައި ކުޑަކުދިންނަށް ހާއްސަ އެތައް ކުޅިވަރުތަކާ އެކީ ހަދިޔާ ހޯދުމުގެ ފުރުސަތު ވެސް އޮންނާނެ އެވެ.
ހިތަދޫގައި މީގެ ކުރިން ވެސް ފުލުހުން މިފަދަ ގިނަ އިވެންޓްތަކެއް ބާއްވާފައި އިރު، ފްލެޓް ސަރަހައްދުގައި ދޭތެރެ ދޭތެރެ އިން ތަފާތު އެކި ކަހަލަ ހަރަކާތްތައް ފުލުހުން ހިންގާކަން ފާހަގަކޮށްލެވެ އެވެ.