ފުވައްމުލަކުގެ ޓޫރިޒަމް ޒޯން ތަރައްގީ ކުރަން ހުޅުވައިލުމުން ދެ ފަރާތުން ޝައުގުވެރިކަން ފާޅުކޮށްފައިވާ ކަމަށް ރީޖަނަލް އެއާޕޯޓްސް ކޮމްޕެނީ ލިމިޓެޑް (އާރްއޭސީއެލް) އިން ބުނެފި އެވެ.
އެ ކުންފުނީގެ މެނޭޖިން ޑިރެކްޓަރު އަހުމަދު މުބީން ވިދާޅުވީ ދެ ފަރާތަކުން ޝައުުގުވެރި ފާޅުކުރުމާ ގުޅިގެން މިހާރު ގުޅޭ ގޮތުން ކުރަން ޖެހޭ ކަންކަން ކުރަމުން އަންނަ ކަމަށެވެ. އެގޮތުން ސަރުކާރުން ނަގަ ންޖެހޭ ހުއްދަތައް ނެގުމާއި މި މަޝްރޫއު ކުރިއަށް ގެންދަން ބޭނުންވާ އެހެނިހެން ކަންކަން ފެށުމަށް ވާން ޖެހޭ ތައްޔާރީތައްވަމުން އަންނަ ކަމަށް ވިދާޅުވި އެވެ.
ނަމަވެސް ޝައުގުވެރިކަން ފާޅުކުރި ދެ ފަރާތުގެ ނަމެއް މުބީން ހާމައެއް ނުކުރައްވަ އެވެ.
ފުވައްމުލަކުގައި 12 ހެކްޓަރުގެ ޓޫރިޒަމް ޒޯން ކަނޑައަޅައި ޓޫރިޒަމް ތަރައްގީކުރުމަށް އިންވެސްޓަރުން ހޯދުމާއި، މަޝްރޫއުގެ ޑިޒައިން މަސައްކަތްތައް ފުވައްމުލަލު ސިޓީ ކައުންސިލާ ގުޅިގެން ކުރިއަށް ގެންދަން އާރްއޭސީއެލާއި ކައުންސިލާ ދެމެދު ސޮއިކުރީ މި އަހަރުގެ އެޕްރީލް މަހުގެ ތެރޭގަ އެވެ.
އެގޮތުން 400 ކޮޓަރި އާއި ޓޫރިންނަށް ހާއްސަ ރެކްރިއޭޝަނަލް އެކި ޙަރަކާތްތައް ހިންގޭނެ ވަސީލަތްތައް ޓޫޒިޒަމް ޒޯންގައި ގާއިމު ކުރަން ހަމަޖެހިފައިވެ އެވެ.
އާރްސީއެލާއި ފުވައްމުލަކު ކައުންސިލްގެ ވެސް އަމާޒަކީ މި މަޝްރޫގެ އަމަލީ މަސައްކަތް މި އަހަރު ފެށުމެވެ.