"ހަންގާ ގޭމްސް" އާއި "ޑޯންޓް ލުކް ނައު" އަދި "އިޓާލިއަން ޖޮބް" ފަދަ ކާމިޔާބު އެތައް ފިލްމެއްގައި މަސައްކަތްކޮށްފައިވާ ކެނެޑާގެ އެކްޓަރު ޑޮނަލްޑް ސަދަލަންޑް މަރުއްޖެ އެވެ.
އުމުރުން ދުވަސްވުމުގެ ސަބަބުން ވަރަށް ބަލިކޮށް އުޅޭތާ ގިނަ ދުވަސްތަކެއް ފަހުން އިއްޔެ އޭނަ މަރުވި އިރު، އުމުރަކީ 88 އަހަރެވެ.
ޑޮނަލްޑްގެ މަރާ ގުޅިގެން ހޮލީވުޑްގެ ވަރަށް ފަންނާނުންތަކެއް ސޯޝަލް މީޑިއާގައި ހިތާމަފާޅުކޮށްފައިވެ އެވެ. އަދި އެމެރިކާގެ ރައީސް ޖޯ ބައިޑެން ވެސް ޑޮނަލްޑްގެ ހަނދާންތައް އާކުރައްވާފައިވެ އެވެ.
Donald Sutherland was a beloved husband, father, grandfather, and one-of-a-kind actor who inspired and entertained the world for decades.
My thoughts are with his family and all those who loved him.
— President Biden (@POTUS) June 20, 2024
ހަތްދިހަ ވަރަކަށް އަހަރަށް ކެރިއަރު ދެމިގެން ދިޔަ އަދި ދެ ގޯލްޑެން ގްލޯބް އެވޯޑް ވެސް ލިބިފައިވާ އެކްޓަރު 200 އެއްހާ ފިލްމުގައި މަސައްކަތްކޮށްދައިވެ އެވެ. ޑޮނަލްޑް އެންމެ ފަހުން ފެނިފައި ވަނީ މިދިޔަ އަހަރުގެ ޕީރިއަޑް ފިލްމު "މިރަންޑާސް ވިކްޓިމް" އިންނެވެ.
އޭނަގެ މަރުވި އިރު އަދި ރިލީޒްނުވާ ފިލްމެއް އެބައޮތެވެ. އެއީ "ހާޓް ލޭންޑް" އެވެ. ގިނަ އަދަދެއްގެ ފިލްމުގެ އިތުރުން ޑޮނަލްޑަކީ ވަރަށް ގިނަ އަދަދެއްގެ ޓީވީ އުފެއްދުންކުގައި ވެސް މަސައްކަތްކޮށްފައިވާ ތަރިއެކެވެ.
ތިން ކައިވެންޏެއް ކުރި ޑޮނަލްޑަށް ފަސް ކުދިން ލިބިފައިވެ އެވެ.