ރާއްޖޭގައި ތިބި އިންޑިއާ ސިފައިން ފޮނުވާލި ފަހުން މިހާރު އަނެއްކާ ވެސް އައްޑޫގައި އިންޑިއާގައި ސިފައިންތަކެއް ކަމަށް ބުނެ އާންމުކޮށްފައިވާ ވީޑިއޯ އާއި ފޮޓޯގައި ފެންނަނީ ސްރީ ލަންކާގެ ސިފަިންގެ ވީޑިއޯއެއް ކަމަށް އެމްއެންޑީއެފުން ބުނެފި އެވެ.
އެ ވީޑިއޯއާ ގުޅިގެން އެމްއެންޑީއެފުން މިއަދު މީޑިއާއަކަށް ވީޑިއޯގައި ފެންނަ ލަންކާ ސިފައިންނަކީ ދިވެހި ސިފައިންނާއި ލަންކާ ސިފައިން ގުޅިިގެން ހިންގަމުން އަންނަ ޓްރޭނިން ޕްރޮގްރާމެއްގެ އެއްގެ އިންޓްސްޓްރަކްޓަރުންތަކެއް ކަމަށެވެ.
އެ ޓްރެއިން އަކީ ސަދަން އޭރިއާ ކޮމާންޑްގައި ހިންގަމުން އަންނަ ޓްރޭނިންއެކެވެ.
އިންޑިއާ އަސްކަރިއްޔާގެ ބަޔަކު ދަނީ ޔުނީފޯމުގައި ހަރަކާތްތެރިވަމުން، މިކަން @MNDF_Official ދުރާލާ އަންގާފަ ނުވުމަކީ ނުތަނަވަސްކަން ބޮޑުވާކަމެއް!@mgmaumoon ކޮބާ ކައޭ؟ މީ ކޮންބައެއް؟
ފޮނުވާލި މީހުން މިތާ ތިބިގޮތެއް ހޯދާ ބަލަން ޖެހޭ! @axanner @MvSpokesperson @MMuizzu https://t.co/dvSLf50V17 pic.twitter.com/MI2D3uoSgD
— DhonAmaa (@dhonamaa_com) June 20, 2024
މިދިޔަ މަހުގެ 20 ގައި ފެށި އެ ޓްރެއިނިން އަކީ އެޑްވާންސް އެކްސްޕްލޯސިވް އޯޑްނަންސް ޑިސްޕޯސަލް (އީއޯޑީ) ކޯހެވެ. މަސް ދުވަހުގެ މުއްދަތަށް ކުރިއަށް ގެންދާ ކޯހުގައި 27 ސިފައިން ބައިވެރިވާ އިރު، މި ކޯހުގެ އިންސްޓްރަކްޓަރުންގެ ގޮތުގައި މަސައްކަތް ކުރަނީ ލަންކާ އާމީ އިންޖިނިއާސްގެ އިންސްޓްރަކްޓަރުން ކަމަށް އެމްއެންޑީއެފުން ބުނެފައިވެ އެވެ.
ރާއްޖޭގައި ތިބި އިންޑިއާ ސިފައިން ފޮނުވައި ނިންމައިލީ މިދިޔަ މަހުގެ ތެރޭގަ އެވެ. ރާއްޖޭގައި އިންޑިއާ ސިފައިން ކުރިން ހަރަކާތްތެރިވަމުން އައީ އެ ގައުމުން ހަދިޔާކުރި ދެ ހެލިކޮޕްޓަރާއި ޑޯނިއާ މަތިންދާބޯޑްގެ އޮޕަރޭޝަނާއި އެ އެއްޗެހީގެ މެއިޓަނަންސްސަށެވެ.
އިންޑިއާ އިން ސިފައިން ރާއްޖެ އިން ފޮނުވައިލުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ.