މަގުމަތީގައި ހުރެގެން ޖިންސީ ގުނަވަން ދެއްކި މީހަކު އަނެއްކާ ވެސް ހައްޔަރުކޮށްފި އެވެ.
ފުލުހުން ބުނީ މޫސާ ނައުޝާދު ކިޔާ 30 އަހަރުގެ މީހާ ޖިންސީ ގުނަވަން ދައްކައިގެން ހުރީ މާލޭގެ އިމާދުއްދީން ސްކޫލް ކައިރީގައި ކަމަށެވެ. އޭނަގެ މައްޗަށް ކުރަނީ އާއްމު އިޖުތިމާއީ މިންގަނޑުތަކާ ހިލާފުވުމުގެ ތުހުމަތެވެ.
މި މައްސަލައިގައި އޭނަ ހައްޔަރުކޮށް އިއްޔެ ވަނީ ދެވަނަ ފަހަރަށް ބަންދަށް މުއްދަތު ޖަހައިފަ އެވެ. ބަންދަށް ފުރަތަމަ ޖެހި 15 ދުވަސް އިއްޔެއާ ހަމައަށްވުމާ ގުޅިގެން ކްރިމިނަލް ކޯޓަށް ގެންދިއުމުން ބަންދަށް އިތުރު 15 ދުވަސް ޖަހާފައިވެ އެވެ.
މިދިޔަ މަހުގެ ފަހުކޮޅު ވެސް މާލޭގެ މަގެއްގެ މަތީގައި ޖިންސީ ގުނަވަން ދެއްކި މީހަކު ހައްޔަރުކުރި އެވެ. އެ ފަހަރު ހައްޔަރުކޮށް 15 ދުވަހަށް ބަންދުކުރީ ނ. ވެލިދޫ، މިރިހިމާގެ ހާމިދު އަބްދުﷲ ،39، އެވެ.