މަސްތުވާތަކެތި ބޭނުންކުރާ މީހުންނަށް ފަރުވާ ޑްރަގް ރިހެބިލިޓޭޝަން ސެންޓަރެއް ރާއްޖޭގައި ހަދައި ހިންގަން މެލޭޝިއާހެ ކުންފުންޏަކުން ޝައުގުވެރިކަން ފާޅުކޮށްފި އެވެ.
ހޯމްލޭންޑް މިނިސްޓަރު އަލީ އިހުސާން މިކަމާ ބެހޭ ގޮތުން ޕީއެސްއެމްގައި ވިދާޅުވީ މެލޭޝިއާގެ ކުންފުންޏަކުން ޝައުގުވެރިކަން ފާޅުކޮށް ޕްރޮޕޯސަލެއް ހުށަހަޅާފައިވާ ކަމަށެވެ. އަދި އެ ކުންފުންޏަކީ މިހާރު ވަރަށް ކާމިޔާބުކަމާ އެކީ ސެންޓަރެއް ހިންގަމުން އަންނަ ކުންފުންޏެއް ކަމަށް ވިދާޅުވި އެވެ.
ނަމަވެސް ކުންފުނީގެ ނަމެއް އިހުސާން ވިދާޅެއް ނުވެ އެވެ.
މިނިސްޓަރު ވިދާޅުވީ މެލޭޝިއާގެ ކުންފުނިން ހުށަހެޅި ޕްރޮޕޯސަލް މިހާރު އިވެލުއޭޓް ކުރަމުން އަންނަ ކަމަށެވެ.
ރާއްޖޭގައި އަމިއްލަ ފަރާތްތަކުން ޑްރަގް ރިހެބިލިޓޭޝަން ސެންޓަރުގެ ޚިދުމަތް ދޭން ސަރުކާރުން އޮތީ ނިންމައިފަ އެވެ. އަދި މީގެ ސަބަބުން ދެވޭ ފަރުގެ ފެންވަރު ރަނގަޅުވެ، އެ ވަބާއިން ސަލާމަތްވާ ބޭނުންވާ މީހުންނަށް ކާމިޔާބު ފަރުވާހެ ޕްރޮގްރާމްތަކެއް ހިންގޭނެ ކަމަށް މިނިސްޓަރު ވިދާޅުވި އެވެ.
އިހުސާން ވިދާޅުވީ މާ ލަސްތަކެއް ނުވެ އަމިއްލަ ފަރާތްތަކުން ރާއްޖޭގައި ރިހެބިލިޓޭޝަން ޚިދުމަތް ދޭން ފަށާނެ ކަމަށެވެ.
ނެޝަނަލް ޑްރަގް އެޖެންސީ (އެންޑީއޭ) އިން އޮތީ ފުރުސަތު ހުޅުވާލައިފަ އެވެ. އެގޮތުން، އައުޓްޕޭޝަންޓް ޑީޓޮކްސިފިކޭޝަން ހިދުމަތާއި ސައިކޭޓްރިކް އިވެލުއޭޝަނާއިކަ އުންސެލިން އާއި ސައިކޯ-ސޯޝަލް ތެރަޕީ އާއި ޑްރަގް ޓެސްޓް ކުރުމާއި ސައިކޮލޮޖިކަލް އެސެސްމަންޓް ހެދުން ފަދަ ޚިދުމަތްތައް ސެންޓަރުތަކުން ފޯރުކޮށް ދޭން ޖެހެ އެވެ.
ރާއްޖޭގެ އިތުރު ތިން ސަރަހައްދެއްގައި ރިހެބިލިޓޭޝަން ސެންޓަރުތައް ގާއިމު ކުރަން ނިންމާފައިވެ އެވެ. އެއީ، ނ. ވެލިދޫ، ކ. ކާށިދޫ އަދި ލ. އަތޮޅުގެ ރަށެކެވެ.
މަސްތުވާތަކެތީގެ މައްސަލަ އަކީ ރާއްޖޭގައި އޮތް އެންމެ ބޮޑު އިޖުތިމާއީ ވަބާ އެވެ.