މަސްވެރިންނަށް ލިބެން ޖެހޭ ފައިސާ ނުލިބިގެން އައްޑޫގެ މަސްވެރިންތަކެއް އިއްޔެ އާއި މިއަދު ވެސް ހަޅުތާލު ކުރަމުން އަންނަ އިރު، އެކަން ގާތުން ބަލައި ފައިސާ ދިނުމަށް ކުރަމުން އަންނަ މަސައްކަތުގެ ތަފުސީލު ހިއްސާ ކުރަމަުން އަންނަ ކަމަށް ފިޝަރީސް މިނިސްޓަރު އަހުމަދު ޝިޔާމު ވިދާޅުވެއްޖެ އެވެ.
މިނިސްޓަރު ސޯޝަލް މީޑިއާ ޕޯސްޓެއްގައި ވިދާޅުވީ ހުޅުމީދޫގައި ހުންނަ މިފްކޯގެ އައްޑޫ ފިޝަރީޒް ކޮމްޕްލެކްސް ސަރަހައްދުގައި ކުރިޔަށްދާ އިހުތިޖާޖު ފެށުމުގެ ކުރިން ވެސް އަދި މިހާރު ވެސް ސަރުކާރުން އަންނަނީ ވަރަށް ގާތުން ބަލަމުން މަސްވެރިންގެ އަޑުއަހަމުން ކަމަށެވެ.
"އަދި އެކަމުގައި މިފްކޯ އަދި ސަރުކާރުން ކުރަމުންދާ މަސައްކަތުގެ ތަފްސީލު ވެސް މި ދަނީ ހިއްސާ ކުރަމުން." ޝިޔާމު ވިދާޅުވި އެވެ.
އައްޑޫ ފިޝަރީޒް ކޮމްޕްލެކްސް ސަރަހައްދުގައި ކުރިޔަށްދާ އިހުތިޖާޖު ފެށުމުގެ ކުރިންވެސް އަދި މިހާރުވެސް ސަރުކާރުން ދަނީ ވަރަށް ގާތުން ބަލަމުން އަޑުއަހަމުން އަދި އެކަމުގައި މިފްކޯ އަދި ސަރުކާރުން ކުރަމުންދާ މަސައްކަތުގެ ތަފްސީލުވެސް މިދަނީ ހިއްސާ ކުރަމުން.
— Ahmed Shiam (@Shiamaldives) Jne 22, 2024
އިހުތިޖާޖުގައި މަސްވެރިން އަންނަނީ އެ މީހުންނަށް ދޭންޖެހޭ ފައިސާ ވަގުތުން ވަގުތަށް ދިނުމަށާއި ކުރިއަށް އޮތް ތަނުގައި ކިރުވާ މަހަށް ކޮންމެ 15 ދުވަހަކުން ފައިސާ ދިނުމަށް ސަރުކާރުން އެއްބަސްވުމަށް ގޮވައިލަމުންނެވެ.
ފިޝަރީޒް މިނިސްޓްރީން އީދު ޗުއްޓީގެ ކުރިން ބުނެފައިވާ ގޮތުގައި މި މަހުގެ 15 ގެ ކުރިން މަސްވެރިންނަށް 46 މިލިއަން ރުފިޔާ ދޫކުރާނެ އެވެ. އަދި ފައިސާ ދޫނުކުރެވި ދޮޅު މަހެއްހާ ދުވަސް އޮތުމުން ޖުމްލަ 80 މިލިއަނަށް ވުރެ ގިނަ ރުފިޔާ މަސްވެރިންނަށް ދޭން ޖެހިފައިވެ އެވެ.
#LIVE
Addu Masverinah sarukaarun dheyn jehey faisaa nudhinumun masverinnai aailaatha vanee angayaa athaa dhimaa nuvey bodethi dhathi thakai kurimathi laan jehifai addu Masverin Addu MIFCO complex gai ihuthijaaju @ pic.twitter.com/0mjHTIriPW— 𝔐𝔦𝔯𝔷𝔞𝔞𝔤 (@MirzaagMV) June 22, 2024
މަސްވެރިން މަސްކިރާތާ 48 ގަޑިއިރު ތެރޭގައި ފައިސާ ލިބޭނެ ނިޒާމެއް ގާއިމުކުރުމަކީ ރައީސް ޑރ.މުހައްމަދު މުއިއްޒުގެ ވައުދެކެވެ.
އައްޑޫގެ މަސްވެރިންތަކެއް ފައިސާ ނުލިބިގެން އިހުތިޖާޖު ކުރި އިރު، ބައެއް އެހެން ހިސާބުތަކުގެ މަސްވެރިން ވެސް މިފަދަ އިޖުތިޖާޖުތައް އަންނަނީ ކުރަމުންނެވެ.