ގދ. ފިޔޯރީން ގެއްލިގެން ހޯދި ކުޑަައަންހެން ކުއްޖާ ރޭ ފެނިއްޖެ އެވެ.
ރޭ އިރާކޮޅުން ފެށިގެން ގެއްލިގެން ހޯދީ އެ ރަށު ފިނިވިލާގޭ މީނާލް މުޙައްމަދު، 8، އެވެ.
ފުލުހުން ބުނީ އެ ކުއްޖާ އެރަށު ފަޅުގެއެއްގެ ތެރެއިން ފެނިފައިވާ ކަމަށެވެ. ކުއްޖާ ފެނުނު އިރު ހުރީ ހީކަރުވައި ވަރުދެރަވެފަައި ކަމަށް ފުލުހުން ބުންޏެވެ. އެވެ. އަދި ކުއްޖާ ސިއްހީ މަރުކަޒަށް ވެސް ހޮސްޕިޓަލަށް ގެންދިޔަ ކަމަށާއި ހާލު ރަނގަޅު ކަމަށް ފުލުހުން ބުންޏެވެ.
މީނާލް ގެއްލިގެން ރިޕޯޓުކުރީ ރޭ 7:08 ހާއިރު އެވެ. އެކަމާ ގުޅިގެން ކުއްޖާ ހޯދުމުގެ މަސައްކަތް ފިޔޯރީ ރައްޔިތުންނާއި ފުލުހުން ކޮށްފައިިވެ އެވެ.
ފަހަކަށް އައިސް މި ގޮތަށް މީސްމީހުންނާއި ކުދިން ގެއްލޭ މައްސަލަތައް ރާއްޖޭގައި ވަރަށް ގިނަ އެވެ. ފުލުހުން މިހާރު ވެސް އަންނަނީ 24 އަހަރުގެ ޒުވާނަކު ގެއްލިގެން ހޯދަމުންނެވެ. އެއީ ފުވައްމުލަކު ދިގުވާނޑު/އެފްރޯ، އަހުމަދު އިޔާޝް ވަސީމް، 24، އެވެ.
އޭނަ ގެއްލިގެން ރިޕޯޓްކުރީ މި މަހުގެ 14 ގަ އެވެ.