ޑްރަގް އޮފެންޑާސް ރިމާންޑް ސެންޓަރު ކ. ހިންމަފުށީގެ ޑިޓެންޝަން ސެންޓަރުގައި އަލުން ހިންގަން ފަށައިފި އެވެ.
ހޯމްލޭންޑް މިނިސްޓްރީން ބުނީ ނެޝަނަލް ޑްގަރް އެޖެންސީ އެންޑީއޭ) ގެ ދަށުން ސެންޓަރުގެ ސެކިއުރިޓީ ބަލަހައްޓާނީ ފުލުހުން ކަމަށެވެ. އެ ސެންޓަރުގައި މިހާރު 7 މީހަކު ބައިތިއްބައިގެން ޑްރަގް ރިހެބިލިޓޭޝަން ޕްރޮގްރާމްތައް ވެސް އަންނަނީ ހިންގަމުންނެވެ.
މަސްތުވާތަކެތީގެ މައްސަލަތަކަކީ ރާއްޖޭގައި އެންމެ ބޮޑު އިޖުތިމާއީ މައްސަލަ އެވެ.
ފުލުހުން އެންމެ ފަހުން އާންމުކުރި ތަފާސްހިސާބުތައް ދައްކާ ގޮތުގައި މިދިޔަ މަހު އެކަނި ވެސް މަސްތުވާތަކެތީގެ 88 މައްސަލައެއް ރިޕޯޓްކޮށްފައިވެ އެވެ. އޭގެ ކުރީ މަހު 116 މައްސަލައެއް ރިޕޯޓްކުރި އެވެ.