ރ. މީދޫގައި އީދު ޝޯ ދޭން ގޮސް އެ ރަށުގެ މިސްކިތެއްގެ ތެރޭގައި ނެށި އަންހެން މީހާ އަކީ "ދަންދާނަ" ގްރޫޕެއް ނިސްބަތްވާ މީހެއް ކަމަށާއި އެކަމާ ގުޅިގެން އޭނަ މިހާރު ސަސްޕެންޑްކޮށްފައިވާ ކަމަށް އެ ގްރޫޕުން ބުނެފި އެވެ.
މިސްކިތުގެ ތެރޭގައި ޓިކްޓޮކް ކުޅުނު މައްސަލަ ފުލުހުން ވެސް ބަލަމުން އަންނަކަން ރޭ ހާމަކޮށްފައި ވަނިކޮށް، ށ. މާއުނގޫދު އަށް ނިސްބަތްވާ ގްރޫޕުން ނެރުނު ބަޔާނެއްގައި ބުނީ އަންހެން މީހާގެ އަމަލު ހަރުކަށި އިބާރާތުން ކުށްވެރި ކުރާ ކަމަށެވެ. އަދި އެ ކަމަކީ އެ ގުރޫޕާ އެއްވެސް ގުޅުމެއް ނެތް، އަންހެން މީހާ އަމިއްލަ ހިންގި އަމަލެއް ކަމަށް ބުންޏެވެ.
ނަމަވެސް އޭނަ އެކަން ކުރީ "ދަންދާނަ" ގެ ރަސްމީ ދަތުރެއްގައި ކަމަށްވާތީ އެ އަންހެން މީހާ އަށް ދެން ގުރޫޕްގެ އެެއްވެސް ހަރަކާތެއްގައި ބައިވެރިނުވެވޭ ގޮތަށް، މުއްދަތެއް ވެސް ނެތް ގޮތަށް ސަަސްޕެންޑްކޮށްފައިވާ ކަމަަށެވެ.
ޓިކްޓޮކްގައި އާންމުވި ވީޑިއޯގައި ފެންނަނީ އަންހެން މީހާ ބަނޑިޔަލެއް ހިފައިން މިސްކިތުގެ ތެރޭގައި ހިނގާ ތަނާއި މާބޮޑިއެއް ހިފައިގެން މިސްކިތުގެ ތެރޭގައި ނަށާ ތަނެވެ.
މި ވީޑިއޯ ފަހުން ވަނީ ޑިލީޓްކޮށްފަ އެވެ.