ބޮލީވުޑްގެ ޒުވާން ބަތަލާ ތާރާ ސުތާރިއާ އަލުން މިއުޒިކް ކޮންސަޓްތަކަށް ނުކުންނަން ތައްޔާރުވަމުން އަންނަ ކަމަށް ބުނެފި އެވެ.
ދެހާސް ނަވާރައިގެ "ސްޓޫޑެންޓް އޮފް ދި އިޔާ 2" އިން ބޮލީވުޑަށް ނުކުތް ބަތަލާ، ނިއުސް 18 އަށް ދިން އިންޓަވިއުއެއްގައި ބުނީ ކުރިން ވެސް ކޮންސަޓްތަކެއް ބޭއްވި ކަމަށާއި ލަވަކިޔުމަށް އޮންނަ ޝައުގުވެރިކަން ބޮޑުކަމުން އަލުން އޭނަގެ ކޮންސަޓްތައް ދިރުވަން ބޭނުންވާ ކަމަށެވެ.
ތާރާ އަކީ އުމުރުން 7 އަހަރުން ފެށިހެން ވެސްޓަން ކްލަސިކަލް ވޯކަލް މިއުޒިކުން ޓްރެއިނިން ވެސް ހަދާފައިވާ ފަންނާނެކެވެ.
އޭނަ ބުނީ ވަރަށް އަވަހަށް އިތުރު މިއުޒިޝަންތަކަކާ ވެސް އެކީ މުމްބާއީގައި ކޮންސަޓެއް ބާއްވާނެ ކަމަށެވެ. އަދި އެކަމުގެ ތައްޔާރީތައް 2022 ފިލްމުގެ "އޭކް ވިލަން ރިޓާންސް" އަށް ވެސް ލަވައެއް ކީ ބަތަލާ ބުންޏެވެ.
"މި އަހަރަށް ކަނޑައެޅި ނިއު އިޔަ ރިޒެލިއުޝަންތަކުގެ ތެރޭގައި ވެސް ހިމެނޭ ވަރަށް މުހިއްމު އެއް ކަންތައް އަމިއްލަ މިއުޒިކް ކެރިއަރާއިގެން އަލުން ކުރިއަށް ދިއުން." ތާރާ ބުންޏެވެ.
އޭނަ ބުނި ގޮތުގައި މިއުޒިކާ ނުލައި އުޅުމަކީ ވަރަށް މާޔޫސީ ކަމެކެވެ. އެހެންވެ އެކަން ދޫކޮށްލެވެން ނޯންނާނެ ކަމަށް ބުންޏެވެ.
ތާރާ، 28، ގެ އެންމެ ފަހުގެ ފިލްމަކީ މިދިޔަ އަހަރުގެ "އަޕޫރްވާ" އެވެ.
ބޮލީވުޑްގެ ބަތަލާއިންގެ ތެރޭގައި ލަވަކިޔާ ތަރިންގެ ތެރޭގައި އާލިއާ ބަޓް، ޝްރަދާ ކަޕޫރް، މަދޫރީ ޑިކްޝިޓް އަދި ޕަރިނީތީ ޗޯޕްޅާ ހިމެނެ އެވެ. ޕަރިނިތީ ވެސް ދާދި ފަހުން ވަނީ މިއުޒިކީ ކެރިއަރު އަލުން ކޮޅަށް ޖަހަން ނިންމައި، ކޮންސަޓްތައް ވެސް ބާއްވަން ފަށައިފަ އެވެ.