އިންޑިއާގެ މަޝްހޫރު ބަތަލާ ދީޕިކާ ޕަދްކޯން ކުރިން ރައްޓެހިވި ވިޔަފާވެރިޔާ ސިދާތު މާލިއާ ކައިވެނިކޮށްފި އެވެ.
ލަންޑަންގައި އޭނަ އިއްޔެ ކައިވެނިކުރީ ރައްޓެހިވެގެން އުޅޭތާ ގިނަ ދުވަސްތަކެއްވީ ޖޭސްމިންއާ އެވެ. ކައިވެނި ކުރަން އުޅޭ ވާހަކަ މީގެ ފަސް ވަރަކަށް ދުވަސް ކުރިން އޭނަ އިންސްޓަގްރާމްގައި ވެސް ހިއްސާކުރި އެވެ.
ސިދާތަކީ އަކީ ބަނގުރޫޓްވެގެން ހުއްޓައިލި އިންޑިއާގެ ކުރީގެ މަޝްހޫރު އެއާލައިން، ކިންގްފިޝާގެ ވެރިޔާ ވިޖޭ މާލިއާގެ ދަރިއެކެވެ. ދީޕިކާ މޮޑެލްކުރި ދުވަސްވަރާއި 2007 ގައި ފިލްމު "އޯމް ޝާންތީ އޯމް" އިން ބޮލީވުޑަށް ނުކުތް އިރު، ރައްޓެހިވެގެން އުޅުނީ ސިދާތާ ކަމަށް އަޑު އަރާފައިވެ އެވެ. އޭރު އެ ދެ މީހުން އެކީގައި ވަރަށް ގިނަ ތަންތަނުން ފެނިފައިވާ އިރުމ ސިދާތުގެ ފަރާތުން ދީޕިކާ އަށް ވަރަށް އަގުބޮޑު ހަދިޔާތަކެއް ވެސް ލިބުނު ވާހަކަތަކެއް މީޑިއާތަކުގައި ދެކެވިފައިވެ އެވެ.
އިންޑިއާގެ މިހާރުގެ އެންމެ ނުފޫޒު ގަދަ ބަތަލާއިންގެ ތެރޭގައި ހިމެނޭ ދީޕިކާ މިހާރު އަލަތު ދަރިފުޅަށް ބަލިވެ އެވެ. އޭނަގެ ފިރިމީހާ އަކީ އެކްޓަރު ރަންވީރު ސިންގް އެވެ. އެ ދެ މީހުން ކައިވެނިކުރީ 2018 ގަ އެވެ.
ބަތަލާ އާލިއާ ބަޓްއާ މިހާރު ކައިވެނިކޮށްގެން އުޅޭ އެކްޓަރު ރަންބީރް ކަޕޫރާ ވެސް ދީޕިކާ ވަރަށް ސީރިއަސް ލޯބީގެ ގުޅުމެއް ބޭއްވި އެވެ. އަދި ލަވަކިޔުންތެރިޔާ ނީތީ މޯހަންއާ މިހާރު ކައިވެނިކޮށްގެން އުޅޭ ނިހާރް ޕާންޑިއާއާ ވެސް ދީޕިކާ ރައްޓެހިވެފައިވެ އެވެ.