ކުށުގެ މާޙައުލަށް ހުށައެޅޭ ކުދިން ރީހެބިލިޓޭޓްކުރުމަށް ހަދަން ނިންމާފައިވާ "ހޯޕް އައިލެންޑް" ސޯޝަލް ކައުންސިލުން ހޯޕް އެޕްރޫވްކޮށްފައިވާ ކަމަށް ހޯމްލޭންޑް މިނިސްޓަރު އަލީ އިޙްސާން ވިދާޅުވެއްޖެ އެވެ.
"ހޯޕް އައިލެންޑް"ގެ މަސައްކަތް ފެށީ މިދިޔަ މަހުގެ ތެރޭގަ އެވެ.
މިކަމާ ގުޅޭ ގޮތުން މިނިސްޓަރު ވިދާޅުވީ ސޯޝަލް ކައުންސިލުން "ހޯޕް އައިލެންޑް" ގެ ކޮންސެޕްޓް އެޕްރޫވްކޮށްފައިވާތީ ދެން އެންމެ އަވަހަށް ބާއްވާ ކެބިނެޓް ބައްދަލުވުމަށް އެ ކޮންސެޕްޓް ހުށަހެޅުމަށް ނިންމާފައިވާ ކަމަށެވެ.
"އެ ރަށުގައި ޑިސްފަކްޝަނަލް އާއިލާތަކުގެ ކުދިންނަށް ފަރުވާ ދެވިގެންދާނެ ކަމަށާއި، ތިން އަހަރެއްހާ ދުވަސްތެރޭގައި އެރަށުގެ ހުރިހާ މަސައްކަތްތައް ނިމި އެއްކޮށް އޮޕަރޭޝަނަށް އެރަށަށް ގެނެވޭނެ." އިޙްސާން ވިދާޅުވި އެވެ.
އޭނަ ވިދާޅުވީ މީގެ ކުރިން ވެސް ފުލުހުންގެ ޓްރެއިނިން ފެސިލިޓީތަކުގައި މީގެ ޕްރޮގްރާމްތަކެއް ޕައިލެޓް ކުރާނެ ކަމަށެވެ.
ހޯޕް އައިލެންޑަށް ގެންދާ ކުދިންނަށް ރަނގަޅު ވަޒީފާތަކާއި ފައިނޭންޝަލް ސިސްޓަމްގައި ކުދިންނަށް ލިބެން ޖެހޭ ފަރުވާ ދިނުމުން ދާއިމީ ހައްލެއް ލިބިގެން ދާނެ ކަމަށް ވެސް މިނިސްޓަރު ވިދާޅުވި އެވެ.
އިހުސާން "ހޯޕް އައިލެންޑް" ގައި އުޅޭ ކުދިން 18 އަހަރު ވަންދެން އެތަނުގައި އުޅޭނެ ކަމަށެވެ. އެއަށް ފަހު ފުލުހުން ނުވަތަ ދިވެހި ސަފައިންގެ ޚިދުމަތުން ކުރެ ތަނެއްގައި ވަކި މުއްދަތެއް ވަންދެން އެ ކުދިން ޚިދުމަތް ކުރަންޖެހޭނެ ކަމަށް ވިދާޅުވި އެވެ.
އެއަށް ފަހު އެކުދިން ބޭނުންވާ ދާއިރާއަކުން ކުރިއަށް ދިއުމަށް ފުރުޞަތު ވެސް ދެވޭނެ ކަމަށް މިނިސްޓަރު ވިދާޅުވި އެވެ.