ބޮލީވުޑްގެ މަގުބޫލު "ރޭސް" ފްރެންޗައިޒްގެ ހަތަރު ވަނަ ބައިގެ ސްކްރިޕްޓް ވެސް މިހާރު އޮތީ ނިމިފައި ކަމަށާއި އެހެންވެ އެ ޕްރޮޖެކްޓް މިހާރު އޮތީ ރަސްމީކޮށް އިއުލާން ކުރުމުގެ މަގުމަތީގައި ކަމަށް ޕްރޮޑިއުސަރު ރަމޭޝް ތައުރާނީ ބުނެފި އެވެ.
މިދިޔަ ހުކުރު ދުވަހު ރިލީޒްކުރި "އިޝްގް ވިޝްގް ރީބައުންޑް" ގެ ޕްރޮޑިއުސަރު ބޮލީވުޑް ހަންގާމާ އަށް ދިން އިންޓަވިއުއެއް ބުނީ "ރޭސް 4" ވަރަށް އަވަހަށް އިއުލާން ކުރަން ތައްޔާރުވަމުން އަންނަ ކަމަށެވެ. އަދި އާ ބައިގެ ކާސްޓްގައި އާ ބަޔަކު ހިމެނޭނެ ކަމަށް ވެސް ތައުރާނީ ބުންޏެވެ.
ދެހާސް އަށާރައިގައި ގެނެސްދިން "ރޭސް 3" ގެ ލީޑް ކުޅުނު ސަލްމާން ޚާން ފިލްމުގައި ހިމެނެނޭތޯ ސުވާލު ކުރުމުން އޭނަ ބުނީ އެކަމާ ބެހޭ ގޮތުން ވަކި އެއްޗެއް ބުނަން ނޭނގޭ ކަމަށެވެ.
"އެކަމަކު ކާސްޓްގައި އާ ބަޔަކު ހިމެނޭނެ." ތައުރާނީ ބުންޏެވެ.
ރެމޯ ޑި ސޫޒާ ޑައިރެކްޓްކުރި "ރޭސް 3" އަކީ ވަރަށް ގިނަ ބައެއްގެ ފާޑުކިޔުންތައް އަމާޒުވި އަދި ބޮކްސް އޮފީހުގައި ވެސް ވަރަށް ވަނދުކޮށް ދިޔަ ފިލްމެކެވެ. ސަބަބަކީ ކުރީގެ ދެ ބައިގައި ހުރި ކަހަލަ ޝައުގުވެރި އެތައް ކަމެއް ތިން ވަނަ ބައިގައި އުނިވެފައި ހުރުމެވެ.
"ރޭސް 3" ގެ ކާސްޓްގައި އަނިލް، ބޮބީ ޑިއޯލް، ޖެކްލީން ފެނާންޑޭޒް، ޑެއިޒީ ޝާހް އަދި ސާގިބް ސަލީމް ހިމެނެ އެވެ.
"ރޭސް" ގެ ފުރަތަމަ ދެ ފިލްމު ޑައިރެކްޓްކުރީ ތުރިލާތައް ގެނެސްދޭން ކުޅަދާނަ އައްބާސް-މަސްތާން" އެވެ. އަދި 2008ގެ "ރޭސް" އާއި 2013 ގެ "ރޭސް 2" ގެ މައިގަނޑު ތަރިއަކީ ސައިފް އަލީ ޚާނެވެ. އޭނަ އަކީ "ރޭސް" ގެ ކާސްޓްގައި ކެޓްރީނާ ކައިފް، އަކްޝަޔޭ ކަންނާ، ބިޕާޝާ ބާސޫ، އަނިލް ކަޕޫރް އަދި ސަމީރާ ރެޑީ ހިމެނެ އެވެ. "ރޭސް 2" ގައި އަނިލް ކަޕޫރާއި އަމީޝާ ޕަޓޭލް އާއި ޖޯން އަބްރަހަމާއި ދީޕިކާ ޕަދްކޯންގެ އިތުރުން ޖެކްލީން ހިމެނެ އެވެ.
ތައުރާނީ ބުނީ "ރޭސް 4" ގެ ޝޫޓިން މި އަހަރުގެ ފަހުކޮޅު ފަށާނެ ކަމަށާއި ފިލްމު ޑައިރެކްޓްކުރާނެ މީހަކު ވެސް މިހާރު ފައިަލް ކުރަމުން އަންނަ ކަމަށެވެ.