ސޮނީ ޓީވިން މިރޭ މުޅިން އާ ސިލްސިލާއެއް ފަށަން ތައްޔާރުވެއްޖެ އެވެ.
ރާއްޖެ ގަޑިން 7:30 ގައި ޕްރީމިއާކުރަން ހަމަޖެހިފައިވާ ސިލްސިލާގެ ނަމަކީ "ޖުބިލީ ޓޯކީސް" އެވެ. މިރޭ މި ޕްރީމިއާކުރުމަށް ފަހު ކޮންމެ ހަފުތާއެއްގެ ހޯމަ އިން ހުކުރު ދުވަހުގެ ރެއާ ހަމައަށް އެޕިސޯޑްތައް ގެނެސްދެމުން ދާނެ އެވެ.
"ޖުބިލީ ޓޯކީސް" އަކީ މަޝްހޫރު ފިލްމީ ތަރިއަކާއި ވަރަށް އާދައިގެ ޒުވާން އަންހެން ކުއްޖަކާ ދެމެދު އުފެދޭ އާދަޔާހިލާފު ގުޅުމަކާއި އެ ގުޅުމުގެ ސަބަބުން އެ މީހުންގެ ހަޔާތަށް ކުރިމަތިވާ ކަންތައްތަކެއް ދައްކުވައި ދޭނެ އެއްޗެކެވެ. އަދި މީގައި ފިލްމީ ތަރިންގެ ދިރިއުޅުން ހުންނަ ގޮތާއި އެ މީހުންގެ ނުފޫޒާއި ބާރާއި އާންމުން ފިލްމީ ތަރިންނަށް ކުރާ ސަޕޯޓާއި ދޭ ލޯބި ދައްކުވައި ވެސް ވަރަށް ބޮޑަށް ދައްކުވައި ދޭނެ އެވެ.
"ޖުބިލީ ޓޯކީސް" ގެ މައިގަނޑު ތަރިންނަކީ އަބީޝެކް ބަޖާޖާއި ހުޝީ ޑޫބޭ އެވެ.
ބޮލީވުޑްގެ ބައެއް ފިލްމުތަކުގައި ސަޕޯޓިން ރޯލްތަކެއް ކުޅެފައިވާ އަބީޝެކް ކުރިން ކުޅެފައިވާ ސިލްސިލާތަކުގެ ތެރޭގައި "ޕަރުވަރިޝް"، "ސަންތޯޝީ މާ" އަދި "ސިލްސިލާ ޕިޔާރު ކާ" ހިނެނެ އެވެ. އޭނަ ކުޅުނު ފިލްމުތަކުގެ ތެރޭގައި "ސްޓޫޑެންޑް އޮފް ދި އިޔާ 2" އާއި "ޗަންދީގަޅް ކަރޭ އާޝިގީ" ހިމެނެ އެވެ.
"ޖުބިލީ ޓޯކީސް" ގެ ބަަތަލާ ހުޝީގެ އެންމެ ފާހަގަކޮށްލެވޭ ސިލްސިލާ އަކީ "އާޝިގާނާ" އެވެ.