މި އަހަރުގެ ރޯދަ މަހު ކުރިއަށް ގެންދިޔަ އޮފީސް ޓެލެޑްރާމާ މުބާރާތަށް ހުށަހެޅި ޑްރާމާތަކަށް އިންސާފުކޮށް ދޭނެ ފަނޑިޔާރުން ހޯދަން ނެޝަނަލް ސެންޓަ ފޯ ދި އާޓްސް (އެންސީއޭ) އިން އަލުން ހުޅުވާލައިފި އެވެ.
އެތަނުން ބުނީ އަލުން ހުޅުވައިލީ ކުރިން ހުޅުވައިލުމުން ކުރިމަތިލީ އެންމެ ފަރާތަކުން ކަމަށްވާތީ ކަމަށެވެ.
އެހެންވެ ޝައުގުވެރިވާ ފަރާތްތަކަށް އެޕްލައި ކުރުމުގެ ފުރުސަތު އަންނަ މަހުގެ 3 ވަނަ ދުވަހުގެ މެންދުރު ފަހު 1:30 އާ ހަމައަށް ވަނީ ހުޅުވާލައިފަ އެވެ. މިކަމާ ބެހޭ އިތުރު މައުލޫމާތު އިން ލިބޭނެ އެވެ.
އޮފީސް ޓެލެޑްރާމާ މުބާރާތަށް ހުށަހެޅި ޑްރާމާތަކަށް ފަނޑިޔާރުންގެ ޕެނެލަކުން އިންސާފު ކުރާނީ މައިގަނޑު ފަސް ކެޓަގަރީއަކުންނެވެ. އެއީ ޑައިރެކްޝަން، އެކްޓިން، ސްކްރީންޕްލޭ، ސިނަމެޓޮގްރަފީ އަދި އެޑިޓިން އެވެ.
އެންސީއޭ އާއި ދައުލަތުގެ މީޑިއާ، ޕީއެސްއެމް ގުޅިގެން ގެނެސްދޭ އޮފީސް ޓެލެޑްރާމާ މުބާރާތުގެ ބޭނުމަކީ މުނިފޫހިފިލުވުމުގެ ދާއިރާ އަށް ފަންނާނުން އިތުރުކޮށް، ފަންނުވެރީންނަށް ހިތްވަރުދީ، އަގުވަޒަންކޮށް، އެކުވެރި، ވާދަވެރި މަހައުލެއްގައި ފަންނުވެރިކަން ތަރައްގީކޮށް ދެމެހެއްޓުމެވެ.