އެމްއެމްޕީއާރްސީގެ އާ މެނޭޖިން ޑިރެކްޓަރު އިބްރާހީމް ޝިއުރީ އާއި ޓޫރިޒަމް މިނިސްޓަރު އިބްރާހިމް ފައިސަލް ރާއްޖޭގެ ޓޫރިޒަމް ޕްރޮމޯޓް ކުރުމާ ގުޅޭ ގޮތުން މިއަދު މަޝްވަރާ ކުރައްވައިފި އެވެ.
މި މަޝްވަރާ ބައްދަލުވުން އޮތީ މިއަދު ޓޫރިޒަމް މިނިސްޓްރީގަ އެވެ. ބައްދަލުވުމާ ގުޅޭ ގޮތުން ޓޫރިޒަމް މިނިސްޓްރީން ބުނީ މައިގަނޑު ގޮތެއްގައ މަޝްވަރާ ކުރެވުނީ އާ ގޮތްތަކަށް ރާއްޖޭގެ ޓޫރިޒަމް ޕްރޮމޯޓްކުރަން ކަމަށެވެ.
ބައްދަލުވުމާ ގުޅޭ ގޮތުން ޝިއުރީ ވިދާޅުވީ މަޝްވަރާ ކުރެވުނު ކަންތައްތަކާ ގުޅޭ މައުލޫމާތު ކުރިއަށް އޮތް ދެ ހަފުތާގެ ތެރޭގައި މީޑިއާތަކާ ހިއްސާކުރައްވާނެ ކަމަށެވެ.
MMPRC's MD, @shiuree, paid a courtesy call on Tourism Minister @ifaisalofficial. They explored fresh strategies to promote the Maldives' stunning sunny side and attract paradise-seekers pic.twitter.com/8mQ8QObpQE
— Ministry of Tourism (@MoTmv) June 24, 2024
އެމްއެމްޕީއާރްސީން މިހާރު އަންނަނީ މަންޓާ އެއާ ގުޅިގެން އިންޑިއާގައި ރާއްޖެ ޕްރޮމޯޓްކުރަން ރޯޑްޝޯތަކެއް ބާއްވަން ތައްޔާރުވަމުންނެވެ. އަންނަ ބުދަ ދުވަހު މި ރޯޑްޝީ ހައިދަރުއާބާދޫގެ ޝަންގްރިއްލާ ހޮޓެލްގައި ފަށާނެ އެވެ.
މިއީ ޝިއުރީ އެމްއެމްޕީއާރްސީގެ އެމްޑީއަކަށް ހަމަޖެއްސި ފަހުން އޭނަ އިސްކޮށް ހުންނަވައިގެން ރާއްޖެ އިން ބާއްވާ ފުރަތަމަ ޕްރޮމޯޝަނަލް އިވެންޓެވެ. އޭނަ ވިދާޅުވީ އިންޑިއާގައި ބާއްވާ ރޯޑްޝޯތަކުގެ ބޭނުމަކީ ރާއްޖެ އަންނަ އިންޑިއާގެ ޓޫރިސްޓުން އަދަދު މިހާރަށް ވުރެ ބޮޑަށް އިތުރު ކުރުން ކަމަށެވެ.
އެމްއެމްޕީއާރްސީގެ އެމްޑީއަކަށް ޝިއުރީ އައްޔަން ކުރީ މި މަހުގެ 13 ގަ އެވެ.