ރައީސް ޑރ. މުޙައްމަދު މުޢިއްޒު ވެރިކަމަށް ވަޑައިގަތީ އެމަނިކުފާނުގެ ހުސްގޮނޑި ދައްކަވައިގެން ކަމަށާއި އެ ގޮނޑީގެ ސިހުރު އަދިވެސް ވަރަށް ގަދަ ކަމަށް ކުރީގެ ރައީސް އަބްދުﷲ ޔާމީން ވިދާޅުވެއްޖެ އެެވެ.
އެ މަނިކުފާނުގެ އާ ޕާޓީ ޕީއެންއެފްގެ އޮފީހުގައމިރޭ ބޭއްވި ޖަލްސާގައި ޔާމީން ވިދާޅުވީ ރައީސް މުޢިއްޒު ވެރިކަމަށް ވަޑައިގަތީ
އެމަނިކުފާނުގެ "ހުސްގޮނޑި" ދައްކައިގެން ކަމަށެވެ.
ޔާމިން ވިދާޅުވީ ބަޔަކު މީހުން މިހާރު ހަނދާން ނެތަސް މި ސަރުކާރުން ވެރިކަމަށް އާދެވުނީ ހުސްގޮނޑީގެ ޖާދުލާއި އެ މަސްތުގައި ރައްޔިތުން ޖައްސައިގެން ކަމަށެވެ. އަދި 20 ވަނަ ރައްޔިތުންގެ މަޖިލީހުގެ ސުޕަ މެޖޯރިޓީ ވެސް ސަރުކާރަށް ލިބުނީ ހުސްގޮނޑީގެ ބާރު ނެތިގެން ނޫން ކަމަށް ވިދާޅުވި އެވެ. ޔާމީން ވިދާޅުވީ ސަރުކާރަށް މަޖިލީހުގެ ގޮނޑިތަށް ލިބުނީ ރައްޔިތުންގެ ތާއިދު އޮވެގެން ނޫން ކަމަށެވެ.
"ރައްޔިތުންގެ މަޖިލީހުގެ ގޮނޑިތައް ހުސްގޮނޑި ދައްކައިގެން ނުލިބުނު ވާހަކަ ދައްކާނެ ކަމެއް ނެތް، ވެރިކަމަށް އާދެވުނީ ހުސްގޮނޑީގެ ބޭނުންކޮށްގެން،" ޔާމީން ވިދާޅުވި އެވެ. "އެ ޖާދުލުގައި އެ މަސްތުގައި އައީ ވެރިކަމަށް އައި ބަޔަކަށް ރައްޔިތުންގެ ވިސްނުން ހުންނާނީ އެ މީހުންނަށް މަޝްރޫއު ގަނޑެއް ވެސް ލިބޭނީ ސަރުކާރުގެ ތެރެއިންނޭ، އެހެންވީމަ ވޯޓް ދޭނެ. އެއީ ހުސްގޮނޑީގެ ސިހުރު ކެނޑިގެންނެއް ނޫން.، ހުސްގޮނޑީގެ ސިހުރު އަދިވެސް ވަރަށް ވަރުގަދަ."