މި މަހުގެ 14 އިން ފެށިގެން ގެއްލިގެން ހޯދަމުން ދިޔަ ފުވައްމުލަކު ޒުވާނާ އާއިލާ އަށް ގުޅާފައިވާ ކަމަށް ފުލުހުން ބުނެފި އެވެ.
އޭނަގެ އާއިލާއާ ހަވާލާދީ ފުލުހުން ބުނީ ފުވައްމުލަކު ދިގުވާނޑު/އެފްރޯ، އަހުމަދު އިޔާޝް ވަސީމް، 24، އާއިލާ އަށް ގުޅައި އޭނަގެ ހާލު ރަނގަޅު ކަމަށް ބުނެފައިވާ ކަމަށެވެ.
އޭނަގެ ޚަބަރެއް މި މަހުގެ 14 ގެ ފަހުން ނުވެގެން އާއިލާ އިން ފުލުހުންނަށް ރިޕޯޓްކުރުމާ ގުޅިގެން އިޔާޝް ހޯދަމުން އަންނަ ކަމަށް ފުލުހުން ބުނީ މި މަހުގެ 21 ވަނަ ދުވަހުގެ ރޭގަ އެވެ.
ފުލުހުން މިހާރު އަންނަނީ މާލެ އިން ގެއްލިގެން ރިޕޯޓްކުރި 18 އަހަރުގެ މީހަކު ހޯދުމުގެ މަސައްކަތް ވެސް ކުރަމުންނެވެ. ފުލުހުން ބުނީ އިއްޔެ އިން ފެށިގެން ހޯދަމުން އަންނަނީ ހ. ބްލޫސްކޫޕް (މިހާރު ދިރިއުޅޭ އެޑްރެސް: ހ. ބްލޫޑްރީމް) ޙުސައިން ޒިހާން ކަމަށެވެ.