ދަނޑުވެރިންނަށް މާލީ އެހީތެރިކަން ފޯރުކޮށް ދިނުމަށް ސަރުކާރުން ކުރިއަށް ގެންދަން ނިންމި "ދަނޑުވެރި މަންފާ" ހިލޭ އެހީ އަދި ލޯނު ސްކީމް ދަނޑުވެރިކަމާ ބެހޭ މިނިސްޓްރީން އިފުތިތާޙްކޮށްފި އެވެ.
ހޮޓެލް ޖެންގައި މިއަދު ބޭއްވި ރަސްމިއްޔާތެއްގައި ދަނޑުވެރިކަމާ ބެހޭ މިނިސްޓަރު ޑރ. އައިޝަތު ރަމީލާ އިފުތިތާހުކޮށް ދެއްވި ސްކީމަކީ އެ މިނިސްޓްރީ އާއި އިންޓަނޭޝަނަލް ފަންޑް ފޯރ އެގްރިކަލްޗަރަލް ޑެވޮލޮޕްމަންޓް (އިފާޑް އާ ގުޅިގެން ކުރިއަށް ގެންދާ ސްކީމެކެވެ.
މި ގްރާންޓް ސްކީމުން އެހީ ދޭން ނިންމާފައި ވަނީ އެސްޑީއެފްސީ މެދުވެރުކޮށެވެ.
"ދަނޑުވެރި މަންފާ" ސްކީމް އަމާޒުކޮށްފަ އިވަނީ މޯލްޑިވްސް އެގްރި ބިޒްނަސް ޕްރޮގްރާމްގެ ހަރަކާތްތައް ކުރިއަށްދާ ހއ، ހދ އަދި ށ އަތޮޅުގެ 26 ރަށަކަށެވެ. އެގޮތުން ދަނޑުވެރިންނާއި، ދަނޑުވެރިކަމުގެ ކުދި އަދި މެދުފަންތީގެ ވިޔަފާރިތަކަށާއި، މި ސިނާޢަތުގައި ހަރަކާތްތެރިވާ މަދަނީ ޖަމީއްޔާތަކުގެ އިތުރުން ކޯޕަރޭޓިވް ސޮސައިޓީތަކަށް ގްރާންޓްގެ ދަށުން އެހީ ލިބޭނެ އެވެ.
"ދަނޑުވެރި މަންފާ" ގެ ފުރަތަމަ ބުރުގައި ގްރީންހައުސް އިންސްޓޯލް ކުރުމާއި ހައިޑްރޮފޯނިކްސް ސިސްޓަމްތައް ޤާއިމް ކުރުން ނުވަތަ އެނޫންވެސް ޒަމާނީ މިފަދަ ވަސީލަތްތައް ޤާއިމް ކުރުމަށް (10 މިލިއަން ރުފިޔާ އަމިއްލަ ފަރުދުންނަށާއި އެންޖީއޯތަކާއި ކޯޕަރޭޓިވް ސޮސައިޓީތަކަށް ދޭނެ އެވެ.
މި ޕްރޮގްރާމުގައި ބައިވެރިވުމަށް، އީފާސް އެކައުންޓުން އެޕްލިކޭޝަން ހުށަހެޅޭނެ އެވެ.
ދަނޑުވެރި މަންފާ ހިލޭ އެހީ އަދި އަމިއްލަ ޚަރަދު ދިނުމަށް ހަމަޖެހިފައި ވަނީ:
* 1500،000ރ. ހަމަައަށް
* މަޝްރޫއުގެ 30-50 ޕަސެންޓާ ދެމެދު ހިލޭ އެހީ ދޫކުރެވޭނެ
* އަމިއަލައަށް ޚަރަދުކުރަން ޖެހޭނީ 50-70 ޕަސެންޓަށް
ދަނޑުވެރި މަންފާ ހިލޭ އެހީ އަދި ދަނޑުވެރި ނަފާ ލޯނު ދިނުމަށް ހަމަޖެހިފައި ވަނީ:
* 1500،000ރ. އާ ހަމަައަށް
• މަޝްރޫއުގެ 30-50 ޕަސެންޓާ ދެމެދު ހިލޭ އެހީ ދޫކުރެވޭނެ
މި ކެޓަގަރީން ވެސް ސްކީމުގެ ދަށުން ވެސް، ދަވެރިކަމުގެ ދާއިރާގައި އެއްއަހަރު މަސައްކަތްކޮށްފައިވާ، މީގެ ކުރިން ސަރުކާރުގެ އެއްވެސް އިދާރާއަކުން ދަނޑުވެރިކަމުގެ ހިލޭ އެހީއެއް ލިބިފައި ނުވާ ފަރާތްތަކަށް ޕްރޮޕޯސަލް ހުށަހެޅޭނެ އެވެ. އަދި އައިލެންޑް ފާމާ ފޯރަމްގެ މެމްބަރުންނަށް އިސްކަން ދޭނެ ކަމަށް މިނިސްޓްރީން ބުންޏެވެ.
ދަނޑުވެރި ނަފާ ލޯނު ދޫކުރުމަށް ހެމަޖެހިފައި ވަނީ 2,000,000ރ. އާ ހަމައަށެވެ.
ދަނޑުވެރި ނަފާ ލޯނު ދޫކުރަނީ:
* 6 ޕަސެންޓް އިންޓަރެސްޓާ އެކު
* އަމިއްލައަށް ކުރަން ޖެހޭ ޚަރަދުގެ ގޮތުގައި މަޝްރޫޢުގެ 10-15 ޕަސެންޓް ހިމެނޭ
* ގްރޭސް މުއްދަތެއްގެ ގޮތުގައި 12 މަސް
* ލޯނު އަނބުރާ ދައްކަން 7 އަހަަރު
މީގެ އިތުރުން "ދަނޑުވެރި ނަފާ" ލޯނުގެ 7000،000ރ. އަށް ވުރެ ބޮޑުވާނަމަ ރަހުނު ހުށަހަޅަން ޖެހެއެވެ.