ކިރުވި މަހަށް ފައިސާ ލިބުން ލަސްވެެގެން އައްޑޫ މަސްވެރިން މުޒާހަރާ ކުރާތާ ހަފުތާއެއްވާން ގާތްވެފައި ވަނިކޮށް ދ. އަތޮޅުގެ މަސްވެރިންތަކެއް ކުޑަހުވަދޫގައި ވެސް އިއްޔެ މުޒާހަރާކޮށްފި އެވެ.
އެ ރަށުގައި މަސްވެރިން މުޒާހަރާ ކުރަން ފެށީ އިއްޔެ ހަވީރު އެވެ. ކުޑަހުވަދޫގައި ވެސް މަސްވެރިން މުޒާހަރާ ކުރަން ފެށީ ފައިސާ ލިބުން ލަސްވާތީ އެވެ.
މަސްވެރިން ވަނީ "ވަގުތުން ވަގުތަށް މިހާރު ދޭން ހުރި ލާރި ދިނުމަށް" ގޮވާލައިފަ އެވެ. މަސް ކިރުވާތާ 48 ގަޑިއިރު ތެރޭގައި ފައިސާ ދޭނެ ކަމަށް ބުނެފައިވާ އެކަން އެގޮތަށް ނުހިނގާ މަސްވެރިން ކަންބޮޑުވުން ފާޅުކުރި އެވެ. އަދި ބޭސް ރޭޓުގައި މަސްވެރިންނަށް ތެޔޮ ލިބޭނެ އިންތިޒާމު ހަމަޖެއްސުމަށް ވެސް މަސްވެރިން ގޮވާލާފައިވާ އިރު، އެކަމަކީ ރައީސް ޑރ. މުއިއްޒުގެ ރިޔާސީ ވައުދެެއްކަން ވެސް ހަނދާންކޮށް ދީފަިވެ އެވެ.
މުޒާހަރާގައި މަސްވެރިން ވަނީ ބެނާއެއްގައި "ދ. އަތޮޅުގައި އަޅުއްވަން ވައުދުވި މަސް ފެކްޓަރީ ކޮބައިތޯ: ވެސް ސުވާލުކޮށްފަ އެެވެ.
އައްޑޫގެ މަސްވެރިންގެ މުޒާހަރާއާ ގުޅިގެން ސަރުކާރަށް ނިސްބަތްވާ ބައެއް ބޭފުޅުން ގެންދަވަނީ މިއީ އިދިކޮޅުން އަޑީގައި ތިބެގެން މަސްވެރިން ލައްވައި ސިޔާސީ މަގުސަދެއްގައި ކުރާ ކަމެއް ކަމަށް ވިދާޅުވެ، މުޒާހަރާ އަށް ވަރަށް ބޮޑަށް ފާޑު ވިދާޅުވެފަ އެވެ.