މޯލްޑިވްސް އިސްލާމިކް ބޭންކް (އެމްއައިބީ) ގެ ބްރާންޗެއް ލ. ގަމުގައި ހުޅުވައި އެ އަތޮޅު ކައްދޫގައި އޭޓީއެމެއް ގާއިމުކޮށްފި އެވެ.
ދެ ރަށުގައި އެކަން އިފުތިހާހުކުރީ އިއްޔެ އެވެ.
އެމްއައިބީން ބުނީ ގަމުގައި ހުޅުވި ސާވިސް ސެންޓަރުން އެ ބޭންކުން ދޭ ހުރިހާ ހިދުމަތެއް ލިބޭނެ ކަމަށެވެ. އޭގެ ތެރޭގައި އެކައުންޓް ހުޅުވުމާއި، ކާޑު ދޫކުރުމާއި، ރާއްޖޭން ބޭރަށް ފައިސާ ފޮނުވުމުގެ އިތުރުން ވިޔަފާރިތަކާއި އަމިއްލަ ފަރުދުން ބޭނުންވާ ބޭންކާ ގުޅޭ ހިދުމަތްތައް ހިމެނެ އެވެެ. ސާވިސް ސެންޓަރުން ލިބޭނެ ކަމަށް އެމްއައިބީން ބުނެ އެވެެ.
ކައްދޫގެ އޭޓީއެމް މެދުވެރިކޮށް 24 ގަޑިއިރު ދިވެހި ރުފިޔާ ޖަމާކޮށް ނެގުމުގެ ހިދުމަތް ވެސް ލިބޭނެ ކަމަށެވެ.
މި ހިދުމަތްތަކާ ބެހޭ ގޮތުން އެމްއައިބީން ބުނީ ލ. އަތޮޅުގެ ރައްޔިތުންނަށް ފަސޭހަކަމާ އެކީ ދެން މާލީ ފެސިލިޓީތަކަށް އެދުމުގެ ފުރުސަތު ވެސް އޮންނާނެ ކަމަށެވެ.
އެ ބޭންކުންނ ބުނީ ލ. އަތޮޅުގައި ހިންގާ އެކި ވިޔަފާރިތަކަށް ބޭނުންވާ ޒަމާނީ ހިދުމަތްތަކެއް ސާވިސް ސެންޓަރުން ހޯދޭނެ ކަމަށާއި ޕީއޯއެސްގެ ހިދުމަތަށް އެދުމާއި ވިޔަފާރި އެކައުންޓު ހުޅުވުމާއި އިންޓަނެޓް ބޭންކިން އަށް އެދުމުގެ އިތުރުން މުސާރަ ޖަމާކުރުމުގެ ހިދުމަތްވެސް ލިބޭނެ ކަމަށެވެ.