އިންޑިއާގެ ބޮޑުވަޒީރު ނަރެންދުރަ މޯދީ ވަރަށް އަވަހަށް ރަޝިއާ އަށް ވަޑައިގަންނަވަން ހަމަޖެހިފައިވާ ކަމަށް އެ ގައުމުން ބުނެފި އެވެ.
ކްރެމްލިންގެ ތަރުޖަމާނު ޔޫރީ އުކަޝޯވް ވިދާޅުވީ މޯދީ އަށް މަރުހަބާ ކިޔަން ރަޝިއާ ތައްުޔާރީތައްވަމުން އަންނަ ކަމަށާއި ދަތުރު ހަމަޖެހިފައިވާ ތާރީހު ވެސް ވަރަށް އަވަހަށް އިއުލާން ކުރާނެ ކަމަށެވެ. އޭނަ ވިދާޅުވީ ދަތުރުގެ ތާރީހަކާ ގުޅޭ ގޮތުން ދެ ގައުމުގެ ފޮރިން މިނިސްޓްރީގެ މެދުގައި މަޝްވަރާތަކެއް ކުރިއަށްދާ ކަމަށެވެ. އެހެންވެ އެކަން ފައިނަލްވި އަވަހަކަށް ތާރީހު އިއުލާން ކުރާނެ ކަމަށް ވިދާޅުވި އެވެ.
ނަމަވެސް މި ދަތުރުރާ ގުޅޭ ގޮތުން އިންޑިއާގެ ސަރުކާރުން ރަސްމީކޮށް އަދި ވަކި އެއްޗެއް ނުބުނެ އެވެ.
މި ދަތުރު ވާނީ ރަޝިއާ އިން 2022 ގެ ކުރީކޮޅު ޔުކްރޭނާ ދެކޮޅަށް ހަނގުރާމަ ފެށި ފަހުން، މޯދީ ރަޝިއާ އަށް ވަޑައިގަންނަވާ ފުރަތަމަ ފަހަރަށެވެ. މޯދީ އެންމެ ފަހުން ރަޝިއާ އަށް ވަޑައިގެންނެވީ 2019 ގަ އެވެ. ނަމަވެސް އެ ގައުމުގެ ރައީސް ލަޑީމިއާ ޕުޓިން އާއި މޯދީ އެންމެ ފަހުން ބައްދަލުވެވަޑައިގަތީ 2022 ގަ އެވެ. އެއީ އެ އަހަރު އުޒްބެކިސްތާންގައި ބޭއްވި ޝަންހާއީ ކޯޕަރޭޝަން އޮގަނައިޒޭޝަން ސަމިޓްގެ ހަވާސާގެ ތެރޭގަ އެވެ.
އިންޑިއާ އާއި ރަޝިއާއާ ދެމެދު އަބަދު ވެސް ގާތް ގުޅުމެއް އޮވެ އެވެ.
މޯދީ މިހާރު ހުންނެވީ ދާދި ފަހުން ބޭއްވި އާންމު އިންތިހާބު ކާމިޔާބު ކުރައްވައި ވެރިކަމުގެ ތިން ވަނަ ދައުރުގަ އެވެ.